Агар шкаф ёки ошхона кераксиз нарсалар омборига айланган бўлса, ташлашга шошилмаслик керак. Эҳтимол, баъзи буюмлардан янги мақсадда фойдаланиш мумкиндир.
Думалоқ ойна учун рамка
Фото: «Домашний очаг»
Хризантемага ўхшаш бу рамка пластик қошиқларни кўк рангларга бўяш орқали тайёрланади. Бунинг учун бир қанча қошиқ керак бўлади. Юпқа фанер ёки қалин картон олиниб, кўзгу ўлчамига мос равишда кесилади.
- Қошиқлар тутқичидан кесиб олинади, орқа томонига махсус елим тўппончадан елим қуйилади ва улар рамканинг ички тешиги бўйлаб ёпиштириб чиқилади. Қошиқ қаторлари орасидаги масофани кичикроқ бўлиши керак, шунда улар яхши ёпишади. Шу тариқа 6 қатор қошиқ ёпиштирилади.
- Елим қуригач, қошиқлар бўёқ билан бўялади.
- Баргларнинг биринчи энг кичик доирасини қуюқ кўк, ҳар бир кейинги доира очроқ кўк билан тугатилади. Сўнгра бўёқ қуритишга қўйилади.
- Кўзгуни рамкага ёпиштириш учун елимдан фойдаланилади, шундан сўнг уни илгак ёрдамида деворга осиб қўйиш мумкин.
Тўқима гилам
Фото: «Домашний очаг»
Ҳар кимнинг уйида вақтида хизмат қилган турли рангдаги эски футболкалар бор. Улардан гиламча тўқиш учун ўриб чиқилади. Бунинг учун футболкалар узун тасма шаклида кесилади, бироз бураб, тўқилади. Гилам юмшоқ бўлгани учун унинг устида ухлаш ҳам мумкин.
Мевалар учун идиш
Фото: «Домашний очаг»
Уч хил ўлчамдаги қандолат қолипи иккита шамдон ёрдамида бир-бирининг устига ўрнатилади ва натижада ажойиб кўринишдаги қаватли идишга айланади. Ушбу идишда мевадан ташқари, заргарлик буюмларини ҳам сақлаш мумкин.
Жажжи гулдонлар
Фото: «Домашний очаг»
Болалар овқатлари учун мўлжалланган шиша идишларни чиройли гулдонга айлантириш мумкин.
- Бунинг учун шиша идишларга турли хил кўринишдаги нақшлар чизилади.
- Сўнгра бўялади.
- Оддий арқон иплар билан безак берилади.
- Хона дизайнини янгилаш учун деворга осиб қўйиш мумкин.
Бўйинбоғлардан ажойиб косметик сумка
Фото: «Домашний очаг»
Иккита эски ипак бўйинбоғни бирлаштириб, ажойиб косметик сумкалар ясаш мумкин. Бўйинбоғларнинг тикилган қисми очилади ва яхшилаб дазмол қилинади. Сўнгра тўртбурчаклар матонинг ҳар тарафи тикилади, фақат бир томонига тугма ёки замок ўрнатилади.
Гул учун тувак
Фото: «Домашний очаг»
Аввалги кир ювиш савати гул туваги сифатида ҳам хизмат қилиши мумкин. Унинг устига шунчаки янги матодан тикилган қоплама кийдирилади ва ичига гул жойлаштирилади. Бундай кўчат ёзда уй айвонини безайди.
Ён дафтарлар учун муқова
Фото: «Домашний очаг»
Кўпчилик ҳали ҳам ўзи билан ён дафтар олиб юришни яхши кўради. Рангли картон, тугма ва ип ёрдамида дафтар ёки китоблар учун ажойиб муқова ясаш мумкин. Муқовага рангли қоғоздан безаклар берилади, тугмача тикилиб, ёпилиши учун тасма боғланади.
