Eski futbolkani qanday qilib zamonaviy aksessuarlarga aylantirish mumkin? (foto)
Agar futbolkalar eskirgan bo‘lsa, ularni tashlab yuborishga shoshmaslik kerak. Chunki ayrim keraksiz narsalardan boshqa buyumlar yasash mumkin.
Zamonaviy zargarlik buyumlarini yaratish uchun shunchaki eskirgan futbolkalar ham kifoya qiladi. Chunki paxta matosi vaqt o‘tishi bilan yumshaydi va cho‘ziladi, bu taqinchoq yasash uchun ayni muddao.
Kerakli narsalar:
- mis dastaklar;
- tillarang zanjir;
- tillarang halqalar;
- qisqichlar;
- zargarlik buyumlari uchun birlashtiruvchi halqalar;
- ilgaklar.
Foto: “Domashniy ochag”Ushbu bezakni yaratish uchun turli xil rangdagi ikkita futbolka kerak bo‘ladi. Har bir futbolkadan beshta ingichka o‘rim uchun 10 ta tasma kesiladi. Ularning har biri tillarang zanjir bilan o‘rib chiqiladi. Hammasining uchi birlashtirilib, halqalarga qadaladi.
Agar tanlangan mato ranglaridan biri ishlatilsa, bu qism ko‘p qatlamli naqshli marjonlarni mukammal tarzda to‘ldiradi.
Foto: “Domashniy ochag”
Zirak uchun bir xildagi mato bo‘laklari oval shaklida kesib olinadi. Matoning chet qismi qaychi yordamida kesib chiqiladi va bir uchi zirak halqasiga qadaladi. Bu kabi ziraklarni bir yoki bir nechta matolar qatlama bilan ham sinab ko‘rish mumkin.
Bilaguzuk yasash uchun matodan bir nechta tasma kesib olinadi va bir qismi o‘raladi. Ularning har ikki tomoni temir qismga birlashtiriladi. Qisqich yordamida mahkamlanadi.
Ziraklar uchun mato va zanjirlardan foydalanish mumkin. Buning uchun matodan ingichka qism kesib olinadi.
Zanjir va mato birgalikda tillarang uzun tuynukcha ichidan o‘tkaziladi va zirak halqalariga ulanadi. Zanjir har kimning didiga ko‘ra uzunlikda bo‘lishi mumkin.
Mavzuga doir:
