Ўзбекистон Афғонистоннинг янги ҳукумати ўз ваъдаси ва халқаро мажбуриятларини бажаришига умид қилади, уларда бундан бошқа йўл йўқ. Бу ҳақда Ўзбекистон ташқи ишлар вазири Абдулазиз Комилов Euractiv медиа-порталига берган интервьюсида маълум қилди. Интервьюнинг тўлиқ версияси ТИВ матбуот хизмати томонидан эълон қилинган.
Ўзбекистон ташқи ишлар вазири «Толибон» ҳаракати халқаро ҳамжамият олдида қандай мажбуриятларни ўз зиммасига олганини эслатиб ўтган:
Вакилликка асосланган ҳукуматни яратиш;
- асосий инсон ҳуқуқлари ва эркинликларига, жумладан, аёллар ва миллий озчиликларнинг ҳуқуқларига риоя қилиш;
- халқаро терроризм ва гиёҳванд моддалар савдосига қарши курашиш;
- турли террористик гуруҳларнинг мамлакат ҳудудига жойлаштирилишига йўл қўймаслик, улар билан ҳар қандай алоқаларни тўхтатиш;
- минтақадаги давлатлар билан яхши қўшничилик алоқаларини қўллаб-қувватлаш.
«Ўйлаймизки, Афғонистоннинг муваққат ҳукумати мамлакат яқин келажакда давлатлараро ва халқаро муносабатларда тенг ҳуқуқли субъектга, умумий цивилизация дунёсининг бир қисмига айланиши учун ушбу муҳим қадамларни қўйишга қодир. Бошқа йўл йўқ, фақат у афғон халқини тараққиёт ва фаровонликка, Афғонистонни — узоқ кутилган тинчлик сари етаклар олади», — дейди Абдулазиз Комилов.
Вазирнинг қўшимча қилишича, Афғонистондаги гуманитар вазият ҳалокатга яқин.
«Аммо Афғонистон халқарига самарали ва фавқулодда ёрдам беришга кучимиз етади. Дастлабки қадамлар сифатида Афғонистоннинг халқаро активларини фаоллаштириш, санкцияларни ечиш, шунингдек, мамлакат банк тизимининг қайта тикланишида амалий ёрдам бериш учун мавжуд барча жаҳон ҳамжамиятлари имкониятларидан фойдаланиш», — дейди у.
Изоҳ (0)