Бугун,

  • USD 11095.31
  • RUB 173.84
  • EUR 10772.44

Таиландда минглаб одамлар мутлақ монархияга қарши намойишга чиқди. Бу ҳақда Reuters хабар берди.

Фото: Reuters

Фото: Reuters

Мамлакатда Конституциявий суднинг Таиландда ислоҳотлар ўтказишга чақиришлар ноқонуний экани ҳақидаги қарори норозилик намойишларининг янги тўлқинига сабаб бўлди. Намойишчилар Бангкокда судьяларнинг моделларини ёқиб юборди.

Фото: Reuters

Фото: Reuters

«Мутлақ монархияга — йўқ» ва «Ислоҳот — бекор эмас» деган ёзувли плакатларни кўтариб олган намойишчилар қалқон ортидаги полициячилар сафига қарши юрди.

Фото: Reuters

Фото: Reuters

«Сўнгги йилларда қиролнинг кучайиб бораётган ваколатлари Таиландни демократиядан узоқлаштирди ва мутлақ монархияга қайтарди. Бу курашнинг мақсади — мамлакат шундай тизим томонидан бошқарилиши керакки, унда ҳамма тенг бўлиши зарур», — дейилади намойишчилар баёнотида.

Юзлаб намойишчилар пойтахтдаги Демократия монументи олдига боришни режалаштиришганди, бироқ полиция уларнинг йўлларини тўсиб қўйганидан кейин улар манзилни ўзгартириб, Германия элчихонасига йўл олган. Бунга 10 ноябрь куни Таиланд қироли Маҳа Вачиралонгкорн бир йиллик танаффусдан сўнг илк бор Германияга ташриф буюргани ҳақидаги хабарлар сабаб бўлди. Немис оммавий ахборот воситаларининг ёзишича, монарх Германияга 250 нафар мулозимлари билан келган ва Hilton Аirport меҳмонхонасининг тўртинчи қаватини камида 11 кунга брон қилган.

Фото: Reuters

Фото: Reuters

2020 йилнинг кузида ҳам намойишчилар Германия Федератив Республикаси элчихонасига келиб, Германияни қирол у ердалигида давлат ишларини олиб борганми ёки йўқлигини текширишга чақирган.

Хабарга кўра, митинг чоғида уч нафар демократия тарафдори яраланган, бироқ жароҳат сабабларига аниқлик киритилмаган. Полиция воқеалар юзасидан тергов олиб борилаётганини таъкидлаган.

Фото: Reuters

Фото: Reuters

«Инсон ҳуқуқлари учун таиландлик ҳуқуқшунослар» гуруҳи тузган маълумотларга кўра, намойишлар бошланган 2020 йилдан бери камида 157 киши монархияга туҳмат қилганлик учун 15 йилгача қамоқ жазосини назарда тутувчи қонун бўйича айбланган.

2019 йилда Таиландда бўлиб ўтган парламент сайловларидан кейин Конституциявий суд мамлакатнинг асосий мухолифат кучи — Келажак партияси фаолиятини тақиқлаб қўйган эди. Уни асосан ёшлар қўллаб-қувватлагани сабабли 2020 йил бошида талабалар кампусларида маҳаллий норозилик акциялари ташкил қилинган, аммо коронавирус пандемияси бошлангач улар тинчиб кетган. Коронавирус чекловларининг кўпчилиги бекор қилингач, норозилик намойишлари танаффуслар билан янада кенгроқ кўламда ўтказилмоқда.

Изоҳ
Asosiy yangiliklar
Маҳаллий
Хоразмда икки киши ис газидан вафот этди
Маҳаллий
Виртуал карталар нима ва улардан қандай қилиб тўғри фойдаланиш мумкин?
Дунё
Twitter офисида ходимлар учун каравотлар пайдо бўлди, Илон Маск аввалроқ меъёридан ортиқча иш бўлиши ҳақида огоҳлантирганди