Hilton Auto Expo кўргазмаси яна бир ҳафта давом этади. Кўргазма давомида ташриф буюрувчиларни ажойиб тақдимотлар, ютуқли ўйинлар, тюнинг қилинган автомобиллар намойиши, аукцион ва унумли нархларда автомобиль сотиб олиш имконияти кутмоқда.
Икки ҳафта давомида бўлиб ўтадиган кенг кўламли Hilton Auto Expo давом этмоқда. Ажойиб тақдимотлар, ютуқли ўйинлар, тюнинг қилинган автомобиллар намойиши, аукцион ва унумли нархларда автомобиль сотиб олиш имкониятидан яна бир ҳафта давомида баҳраманд бўлишингиз мумкин.
5 ноябрь куни Tashkent City сайилгоҳида барча автомобиль ихлосмандларини бирлаштирган улкан тадбир бошланди. Замонавий сайилгоҳ ҳудудида илк бор кўплаб автосалонларнинг кўргазма майдонлари ташкил этилади. У ерда сиз Hyundai, KIA, Renault, Hongqi, SamAuto, Tesla, Mercedes-Benz, BMW, Volvo, Maserati, Genesis, Ford, Subaru, Jaguar, Toyota, Lexus, Range Rover автомобиллари, шунингдек, кўплаб турдаги мотоциклларни томоша қилишингиз мумкин. Барча тақдим этилган автомобилларни сотиб олиш имконияти мавжуд.
Мисол учун, Hyundai кўргазма майдонида Base комплектациясидаги Elantra моделини 5 фоиз чегирма билан сотиб олишингиз мумкин. Шунингдек, автомобилни 24 ойлик муддатли тўлов асосида харид қилиш имконияти ҳам мавжуд.
15 ноябрь, душанба куни Liqui Moly брендининг ютуқли ўйини бўлиб ўтади. Иштирокчилар танлов ғолибини аниқлаш маросимини томоша қилишлари мумкин. Маросим ҳаяжонли тарзда ўтади, чунки бош соврин сифатида «Рестарт» лойиҳаси томонидан тюнинг қилинган Nexia-2 автомобили ўйналади.
17 ноябрь куни Hilton Auto Expo кўргазмаси доирасида электромобиллар савдоси билан шуғулланувчи энг йирик дилер — Megawatt Motors автосалонининг тақдимоти бўлиб ўтади.
20 ноябрь куни бўлиб ўтадиган ёпилиш маросимини ўтказиб юборманг. Тадбир доирасида аукцион ўтказилади. Унда Rolls Royce Ghost автомобилини сотиб олиш мумкин. Автомобильнинг бошланғич нархи — 999 999 000 сўм.
Шунингдек, тантанали ёпилиш маросими доирасида О2 Development компанияси томонидан ўтказилган танлов ғолиби аниқланади. Танловда иштирок этиш учун О2 Development стендининг олдидаги Lamborghini Huracan Evo билан суратга тушиш, o2develpment.uz ва modernsergeli.uz саҳифаларини белгилаш, Instagram stories’га жойлаштириш ва ташкилотчиларнинг саҳифаларига обуна бўлиш лозим.
Эслатиб ўтамиз, кўргазмага кириш бепул, рўйхатдан ўтиш талаб этилмайди. Тадбирлар кун давомида бўлиб ўтади, яъни ташриф буюрувчилар бир неча марта келишлари ва стендларнинг барчаси билан танишиб чиқишлари мумкин.
Кўргазмада автомобиллардан ташқари, турли хилдаги мотор мойлари, шиналар, сигнализация ва салон аксессуарларига бағишланган стендларни томоша қилишингиз мумкин.
Кенг кўламли 15 кунлик тадбир ҳамкорларнинг бевосита кўмаги билан ўтказилмоқда.
Dream City Development компанияси тадбир ҳамкорларидан бири ҳисобланади. Dream City Development — юқори сифатли кўчмас мулк объектларини яратишга ихтисослашган янги авлод девелопер ҳисобланади. Компаниянинг лойиҳалари орасида премиум тоифадаги Boulevard, Gardens Residence турар жой мажмуалари, Seoul Mun савдо ва дам олиш маркази каби объектларни учратишингиз мумкин.
Кўргазманинг автоҳамкори — автомобиль мойлари, мойлаш материаллари ва қўшимчалар ишлаб чиқарувчи Liqui Moly компанияси. Глобал бренд дунёнинг 130 дан ортиқ мамлакатларида тақдим этилган. 1957 йилда ташкил этилган компания фақатгина Германиянинг ўзида 4000 дан ортиқ маҳсулотларни ишлаб чиқаради. Ўзининг 60 йиллик тарихи давомида Liqui Moly нуфузли бренд сифатида харидорларнинг эътиборини қозона олган ва мотор мойлари, автокимё маҳсулотлари бозорида ўзининг етакчи мавқеини сақлаб қолган.
Кўргазма ташкилотчилари: Hilton меҳмонхонаси ва Tashkent City сайилгоҳи
Тадбир Тошкент шаҳар ҳокимлиги кўмагида ўтказилмоқда.
Телефон рақамлари: (+998) 33−343−8888, (+998) 90−989−8722.
Instagram: hiltonautoexpo
Telegram: t.me/hiltonautoexpo
Реклама ҳуқуқи асосида.
Изоҳ (0)