Ўзбекистонда электромобиллар учун алоҳида давлат белгили рақам бериш йўлга қўйилди. Бу ҳақда ЙҲХББ ахборот хизмати хабар берди.
Маълум бўлишича, махсус турдаги рақам 1 ноябргача давлат рўйхатидан ўтган электромобиллар учун бепул алмаштирилиб берилади.
Бундан ташқари, онлайн аукцион савдо платформасида ютиб олинган авторақамлар ҳам электромобиллар учун алоҳида қайтадан ишлаб чиқарилади.
Бундан аввал Бухорода Жанубий Корея билан ҳамкорликда электромобиль ишлаб чиқарувчи завод йўлга қўйилиши режалаштирилаётгани, Ўзбекистонга сентябрь ойида жами 1,3 млн долларга 57 та электромобиль импорт қилингани ҳамда Фарғонада дастлабки электромобиллар 2021 йил декабрь ойида тест режимида ишлаб чиқарилиши ҳақида хабар берилганди.
Изоҳ (0)