Байден Эрондан нефть харид қилмаслик учун дунёда етарлича захира борлигини маълум қилди

АҚШ президенти Жо Байден Эрон нефтига қарши Америка санкциялари сақланиб қолишини тасдиқлади, деб хабар беради «Интерфакс». Унинг сўзларига кўра, Теҳрондан нефть харид қилмаслик учун дунёда етарлича захира мавжуд.

«Дунёда Эрондан ташқари бошқа давлатларда нефть ва нефть маҳсулотларининг захираси ҳам бўлиб, у хорижий молиявий ташкилотлар ёки улар орқали Эрондан харид қилинаётган нефть ва нефть маҳсулотлари ҳажмини сезиларли даражада қисқартириш имконини беради», — дейилади Оқ уй сайтида эълон қилинган президент меморандумида.

Оқ уй ҳар олти ойда бир марта глобал нефть етказиб бериш ҳажми Эронга қарши 2012 йилда президент Барак Обама администрацияси даврида жорий этилган санкцияларни сақлаб қолиш учун етарли эканлигини тасдиқлаши керак.

Кузатувчилар меморандум Байден ва Хитой раиси Си Цзиньпиннинг виртуал учрашувидан олдин эълон қилинганига эътибор қаратмоқда.

Хитой Эрон нефтининг йирик харидори ҳисобланади, сўнгги уч ойда мамлакатда санкцияларни бузган ҳолда кунига 500 минг баррелдан харид қилган. Санкцияларнинг қўлланиши Вашингтонга уларни АҚШ иқтисодиётидан узиб қўйиш имконини берган бўларди.

Байден администрацияси айни вақтда ушбу санкцияларни Эрон билан 2015 йилги ядровий битимни қайта тишлаш бўйича ўтказиладиган музокаралар фонида қўлламаяпти.

Эслатиб ўтамиз, 2021 йил апрелдан июнгача Эрон ва яна бир нечта дунё етакчи давлатлари Венада Ядро дастури бўйича халқаро келишув режасига қайтиш юзасидан олти раундлик музокараларни ўтказган. Айни вақтда музокаралар жараёнида танаффус эълон қилинган: Эрон расмийлари Теҳроннинг янги президент Иброҳим Руҳонийнинг қасамёди ва янги ҳукумат ташкил қилинганидан кейин жараёнга қайтишини маълум қилган.

5 августда бўлиб ўтган инаугурация маросимида Раисий Теҳроннинг музокараларга тайёрлиги ва АҚШ Эронга қарши санкцияларни бекор қиладиган бўлса, барча дипломатик ташаббусларни қўллаб-қувватлашини билдирган.

«Биргаликдаги ҳаракатлар режаси» деб номланадиган келишув 2015 йил ёзида Теҳрон ҳамда бешта воситачи мамлакат ўртасида имзоланган. Кейинчалик Эроннинг мазкур келишувни қўпол равишда бузганликда айблашган. 2018 йил май ойи бошида АҚШ келишувдан бир томонлама чиқишини эълон қилган ва Эронга қарши санкциялар қайта жорий қилинганини билдирди. Эрон эса келишув шартларига ортиқ риоя қилмаслиги ва 2020 йил январдан мазкур шартномадан тўлиқ чиққанини қайд этганди.