2021/2022-ўқув йили учун профессионал таълим муассасалари (коллеж ва техникумлар)га кириш тест синовлари 2021 йил 12 ноябрдан 17 ноябрга қадар 2 сменада ўтказилади. Бу ҳақда Давлат тест маркази хабар берди.
Бунда тест синовлари:
- 1-сменада 09:00 дан 12:00 га қадар;
- 2-сменада 14:30 дан 17:30 га қадар бўлиб ўтади.
Тест синовларида тўплаш мумкин бўлган максимал балл – 189 балл бўлиб, мутахассислик фанлари бўйича ҳар бир тоғри жавоб учун 3,15 баллдан (жами 126 балл), мажбурий фанлар бўйича эса 2,1 баллдан (жами 63 балл) берилади.
Талабгорлар тест синовида иштирок этиш учун рухсатномани Давлат тест марказининг «Ruxsatnoma.dtm.uz» сайтидан онлайн тарзда юклаб олишлари мумкин. Талабгорлар тест синови ўтказиладиган ҳудудга белгиланган вақтдан кечикмасдан шахсини тасдиқловчи ҳужжат ва тест синовида иштирок этиш учун рухсатнома билан келишлари лозим.
Аввалроқ Ўзбекистон ОТМларининг умумий рейтинги тузилгани, Ўзбекистонда 3-босқич талабаларга ҳам мактабда дарс ўтиш ҳуқуқи берилиши, мамлакатда хорижий олий таълим ташкилотлари сони сўнгги 3 йилда икки баробар ошгани тўғрисида хабар берилганди.
Изоҳ (0)