Ўзбекистондаги чанг концентрацияси энг юқори бўлган ҳудудлар маълум қилинди

Ўзбекистон Гидрометеорология хизмати маркази 4 ноябрь куни кузатилган чанг-ғубор таъсирида атмосферанинг чанг билан ифлосланиши энг юқори бўлган ҳудудларни маълум қилди.

4 ноябрь куни ҳавода чанг миқдори бўйича максимал аҳамиятлилик: Гулистон, Олмалиқ шаҳрида 20 РЭМ (рухсат этилган миқдор), Чирчиқ — 26, Тошкент — 33, Бекобод — 18, Ангрен — 8, Бухоро шаҳри — 14, Навоий шаҳри — 8, Самарқанд — 4, Сариосиё, Наманган, Урганч, Фарғона, Қўқонда тахминан 2 РЭМ.

Маълум қилинишича, 5 ва 6 ноябрь кундузи атмосфера ҳавосининг чанг билан ифлосланиши пасая бошлаган ва 2 дан 8 РЭМ даражаси етган.

8 ноябрь кундузи республикада атмосфера ҳавоси ифлосланиши фақат айрим шаҳарларда рухсат этилган аҳамиятлиликдан юқори бўлган: Бекобод — 2,7 РЭМ, Фарғона ва Қўқон — 2, Самарқанд — 1,5, Гулистон, Чирчиқ ва Олмалиқ — 1,3, Бухоро, Ангрен ва Сариосиё — 1,1, Навоий ва Урганч — 0,9 ва Нукус — 0,7 РЭМ.

Таъкидланишича, Тошкентдаги атмосфера ҳавосининг ифлосланишини кузатиш автоматик мониторинг станцияларида ҳар соатда амалга оширилади. Бошқа шаҳарларда кузатувлар дискрет режимида ўтказилади.

Эслатиб ўтамиз, 4 ноябрь куни Ўзбекистон ҳудудига Урал томондан совуқ ҳаво оқими кириб келган. Совуқ ҳаво фронти зонасида шамол тезлиги 12-15 метр/сонияга қадар кучайди, Бухоро, Навоий, Жиззах вилоятларида эса сониясига 20-25 метрга қадар етди. Шу куни Тошкентда чанг миқдори рухсат этилган меъёрдан 5 баробарга, кейинроқ маҳаллий вақт билан соат 21:00 ва 23:00 орасида 30 баробаргача кўтарилганди ва пойтахт ҳавонинг ифлосланиш даражаси бўйича дунёда биринчи ўринга чиқди. 6 ноябрь кундузи ҳавонинг исиши атмосферада чанг таркиби сезиларсиз камайишига олиб келди, аммо чангли ғубор бутунлай тарқалмади. 7 ноябрь куни эса ҳавонинг ифлосланиш даражаси аввалги кунга нисбатан пасая бошлади. 8 ноябрь куни Тошкент ҳавосидаги чанг миқдори нормал кўрсаткичга қайтган.