Хонанда Умидахон YouTube’даги Chotki TV каналига берган интервьюсида иккинчи фарзанди нобуд бўлганидан сўнг анча вақтгача ўзига кела олмагани, бу ҳолат унинг ижодда ҳам танаффус қилишига сабаб бўлгани ҳақида сўзлаб берди.
«Турмуш қурганимдан сўнг асосий эътиборимни оилага қаратдим. Кетма-кет ҳомиладорликни бошдан кечирдим. Биринчи фарзандим — Муҳаммадалини дунёга келтирдим. У ҳозир 2 ёш-у етти ойлик. Ундан кейин қисқа фурсат ичида яна ҳомиладор бўлдим. Ўзи бу нарсани гапирмайман, дегандим. Лекин кузатувчиларимнинг гап-сўзларига жавоб бериб кетмоқчиман. Орада ҳомиладор бўлиб, вазн тўпладим. Аллоҳнинг иродаси экан, фарзандим етти ойлик бўлганида нобуд бўлди. Ўғил бола эди. Шундан кейин операция бўлиб, гормонлар олдим. Хуллас, қийналдим. Ижодимда танаффус бўлди. Тўлишиб кетдим, ўзимга келолмадим. Турмуш ўртоғим, оила аъзоларим шундай пайтда менга далда бўлишди», — дейди Умидахон.
Изоҳ (0)