Бугун,

  • USD 11095.31
  • RUB 173.84
  • EUR 10772.44

Ўзбек шоу-бизнесида бир-бири билан қариндошлик ришталарини боғлаган ижодкорлар кўплаб топилади. Қуйида бир-бирига қариндош эканини кўпчилик билмайдиган машҳурлар ҳақида сўз юритамиз.

Хосият Ҳусанова ва Жаҳонгир Тешабоев

Фото: Instagram

Фото: Instagram

Ўзбекистонда хизмат кўрсатган артист Хосият Ҳусанова ёлғиз қизини ёш актёр Жаҳонгир Тешабоевга турмушга берган. Бу актёр томошабинларга «Қадам» сериалидаги салбий роли билан яхши таниш. Ҳозирда жуфтликнинг бир ёшли ўғиллари бор.

Зуҳра Ашурова ва Мадина Мухторова

Фото: Instagram

Фото: Instagram

Ўзбекистон халқ артисти Зуҳра Ашурова ҳамкасби Мадина Мухторовага келинойи ҳисобланади. Яъни Зуҳра Ашурованинг турмуш ўртоғи Қаҳрамон Ашуров Мадина Мухторованинг акасидир.

Азиза Бегматова ва Иззат Шукуров

Фото: Instagram

Фото: Instagram

Хонанда Иззат Шукуровнинг отаси бир пайтлар машҳур «Тож» гуруҳининг солисти бўлган Тожибой Шукуров экани барчага маълум. Аммо Иззат Шукуровнинг она томондан бувиси Ўзбекистон халқ артисти эканини кўпчилик билмаслиги аниқ. У ўзбекнинг чечаси бўлган актриса Азиза Бегматованинг суюкли набираларидан бири ҳисобланади.

Камола Орипова ва Зарина Низомиддинова

Фото: Instagram

Фото: Instagram

Instagram’да миллионлаб кузатувчиларига эга блогер Камола Орипова актриса Зарина Низомиддинова билан холавачча ҳисобланади.

Ойбек Султонов ва Шаҳзод Султонов

Фото: Instagram

Фото: Instagram

Ёшларнинг севимли актёри бўлган Шаҳзод Султонов бир пайтлар «Зилола» қўшиғи билан танилган хонанда Ойбек Султоновнинг ўғли.

Исмоиловалар оиласи ва Бахтиёр Юсупов

Фото: Instagram

Фото: Instagram

Маҳмуд ва Шоҳида Исмоиловаларнинг уч нафар қизлари бор. Уларнинг куёвларидан бири Ўзбек Миллий академик драма театрининг актёри Бахтиёр Юсуповдир.

Жавлон Шодмонов ва Рашид

Фото: Instagram

Фото: Instagram

«Via Marokand» гуруҳи хонандаси Рашид продюсери Жавлон Шодмоновнинг қайнукаси бўлади. Гарчи Рашид ишда қариндош-уруғчиликка йўл қўйилмаслигини таъкидласа-да, унинг гуруҳга қабул қилиниши шунчаки тасодиф эмас.

Дониёр Ҳафизов ва Асал Зокирова

Фото: Instagram

Фото: Instagram

«Via Marokand»нинг яккахони Асал Зокирова эса актёр ва режиссёр Дониёр Ҳафизовнинг синглиси бўлади. Ёдингизда бўлса, бир неча йиллар аввал Дониёр Ҳафизов «Наво» гуруҳига асос солганди. Аммо гуруҳ фаолияти узоққа чўзилмаган.

Даврон Кабулов ва Жамшид Умаров

Фото: Instagram

Фото: Instagram

Даврон Кабулов «Афрўз» гуруҳи хонандаси Жамшид Умаровнинг божаси бўлади. Жамшид оиланинг тўнғич қизига,  Даврон Кабулов эса кенжа қиз Эъзозахонга уйланган.

Аслиддин ва Хонзода Дўстова

Фото: Instagram

Фото: Instagram

«Актёр шоу» лойиҳасида муваффақиятли иштирок этган актриса ва модель Хонзода Дўстова ҳам санъаткорнинг фарзанди. Унинг отаси хонанда Аслиддин Дўстов ҳисобланади. Аммо ёш актриса негадир буни сир тутади.

Мунаввара Абдуллаева ва Дилдора Умарова

Фото: Instagram

Фото: Instagram

«Алпомиш» фильмидаги Ойбарчин роли билан томошабинларга таниш бўлган актриса Дилдора Умарова Ўзбекистонда хизмат кўрсатган ёшлар мураббийи Мунаввара Абдуллаеванинг қизи ҳисобланади. У актрисалик  фаолиятидан ташқари, онаси сингари ёш истеъдод эгаларига сабоқ беради.

Диёр Бекжонов ва Жаҳонгир Хўжаев

Фото: Instagram

Фото: Instagram

«Аристократлар шоу»си билан томошабинларга яхши таниш бўлган Диёр Бекжонов дўсти Жаҳонгир Хўжаев билан муносабатларини янада мустаҳкамлаш мақсадида унинг холаваччаси билан оила қурган. Бундан аёнки, Бекжоновлар ва Асалхўжаевалар оиласи қудалар ҳисобланади.

Самандар ва Севара Ҳамроқулова

Фото: Instagram

Фото: Instagram

Самандар ва Искандар Ҳамроқуловларнинг ёлғиз синглиси Севара ҳам санъат соҳасида фаолият юритади. У айни кунда Ўзбекистон давлат сатира театрида фаолият юритади. Фильм ва сериалларда ҳам катта-кичик ролларни ижро этади.

 

Изоҳ
Асосий янгиликлар
Қозоғистон
Қозоғистонда одамлар орасида Сибир яраси аниқланди
Шоу-бизнес
Кўз олдида онаси отасини отиб ташлаган: фожиали воқеаларни бошдан кечирган машҳур аёллар (фото)
Маҳаллий
Тошкентнинг яна қатор ҳудудларида электр таъминоти вақтинча тўхтатилди