Пентагон расмий вакили Жон Кирби АҚШ Эроннинг нефть танкерини қўлга олмоқчи бўлмагани, бу каби айбловлар бемаъни эканини маълум қилди, деб хабар беради «РИА Новости».
У ушбу маълумотни нафақат рад этишини, балки «бу бемаъни айблов» эканини таъкидлаган.
Эрон ОАВлари мамлакатнинг ҳарбий-денгиз кучлари 3 ноябрь куни Уммон кўрфазида Қўшма Штатларнинг нефть танкерини қўлга олиш борасидаги уринишини бартараф этгани ҳақида хабарлар тарқатган. Қайд этилишича, Америка армияси бир неча вертолёт ва кемалардан фойдаланган ҳолда танкерни таъқиб қилган.
Аввалроқ Эрон Аден кўрфази яқинида нефть танкерига қарши қароқчилар ҳужумининг олдини олгани тўғрисида хабар берилганди. «Шубҳали» қайиқлардаги тўрт-олтита қуролли қароқчилар танкерга ҳужум қилиш ниятида яқинлашмоқчи бўлган, бироқ бортдаги кузатув гуруҳи ўз вақтида чора кўриб, огоҳлантирувчи ўт очган, қароқчилар воқеа жойидан қочишга мажбур бўлган.
Изоҳ (0)