Канар ороллари таркибига кирувчи Пальма оролида бир ойдан ошдики, Камбре-Веха вулқони отилишдан тўхтамаяпти. Оролдаги кўчалар, уйлар ва йўллар қалин кул билан қопланган.
Пальма ороли таниб бўлмас даражада ўзгарди. Вулқон кули ҳамма жойда — ҳовлилар, томлар ва оёқ остида гиламдек тўшалган. Асосан тез ёрдам машиналари ва полициячилар ҳаракатланадиган йўллар ҳам кул билан қопланган.
Кўплаб одамлар уйларидан айрилди. Оролдаги мингдан ортиқ бинолар бутунлай вайрон бўлган. Етти мингдан ортиқ одам эвакуация қилинди.
Пальмадаги вулқон отилиши 19 сентябрда бошланган, ўн кундан кейин лава океанга етиб келган. Мутахассисларнинг фикрича, вулқон отилиши бир неча ой давом этиши мумкин.
Изоҳ (0)