Белград шаҳри мезбонлигида ўтаётган бокс бўйича Жаҳон чемпионатининг 1 ноябрь кунги баҳслари бўлиб ўтди.
-80 кг кг вазн тоифасида Ўзбекистон шарафини ҳимоя қилаётган Одилжон Аслонов АҚШ вакили Робби Гонсалесга қарши рингга кўтарилди ва мағлубиятга учради. Аслонов дастлабки раундни ўз фойдасига ҳал қилганди, бироқ кейинги раундларда унинг рақиби устунликни ўз томонига оғдириб олди ва 3:2 ҳисобидаги ғалабани расмийлаштирди.
Аслонов 1/16 финал доирасида италиялик Симоне Фиорини мағлубиятга учратган бўлса, 1/32 финалда танзаниялик Юсуф Чангалавега қарши рингга кўтарилиши лозим эди, аммо Чангалаве номаълум сабабга кўра жангга чиқмаганди ва Аслонов автоматик равишда кейинги босқичга йўл олганди.
Шу тариқа 1 ноябрь кунги баҳсларда иштирок этган тўрт нафар ўзбекистонлик боксчидан икки нафари — Мужибилло Турсунов ва Саиджамшид Жаъфаров чорак финалга йўлланма олди. Асадхўжа Мўйдинхўжаев ва Одилжон Аслонов эса мусобақа билан хайрлашди.
Изоҳ (0)