2019—2020 йиллар Австралиядаги ўрмон ёнғини вақтида юздан ортиқ коалаларни қутқарган 6 яшар Айиқ (Bear) лақабли ит, Халқаро ҳайвонларни муҳофаза қилиш жамғармаси (IFАW) томонидан тақдирланди. Бу ҳақда Good News Network маълум қилди, деб ёзади Esquire.
Таъкидланишича, мукофот Лондондаги лордлар палатасида топширилган. «Айиқнинг шахсан ўзи иштирок эта олмади, аммо биз мазкур теннис тўпини топшириш орқали у ўзини қадрли ҳис қилиши учун ғамхўрлик қилдик», — дейилади ит номидан очилган Instagram саҳифасида. Қўшимча қилинишича, Айиқ жамғарма мукофотидан ташқари, ширинлик ва бошқа ўйинчоқлар билан ҳам сийланган.
У бугунги кунда коалаларни қидириш ва уларни қутқариш билан машғул. Қутқарувчи сифатидаги фаолиятидан аввал у ҳайвонлар учун мўлжалланган бошпанада яшаган. Унинг бу ерга келиб қолишига энергияга тўла экани ва тинимсиз ўйнаши сабаб бўлган. Гап шундаки, эски эгаси таъкидланган сабаблар туфайли уни топшириб юборган. Кўп ўтмай уни Австралиянинг Саншайн Коста университетига ўргатиш учун юборилган. Шундан кейин у коалаларни куллар орасидан ҳидлаб топадиган мамлакатдаги ягона итга айланган.
Мавзуга доир:
Изоҳ (0)