ЖЧ—2021. Саиджамшид Жаъфаров озарбайжонлик боксчини енгиб, чорак финал йўлланмасини қўлга киритди

Белград шаҳри мезбонлигида ўтаётган бокс бўйича Жаҳон чемпионатининг 1 ноябрь кунги баҳслари бўлиб ўтмоқда.

-75 кг вазн тоифасида Ўзбекистон шарафини ҳимоя қилаётган Саиджамшид Жаъфаров озарбайжонлик Миршариф Казимзадега қарши рингга кўтарилди. Жаъфаров учала раундда ҳам рақибига имконият қолдирмади ва 5:0 ҳисобида ғалаба қозонди. Жаъфаров эндиликда чорак финал доирасида 2 ноябрь куни таиландлик Верапон Жонгжоҳога қарши рингга кўтарилади.

Жаъфаров аввалги жангларда словакиялик Лукас Фернэтса ва япониялик Юито Мариваки устидан ғалаба қозониб, 1/8 финалга чиққан эди.

1 ноябрь куни яна икки нафар ўзбекистонлик боксчи ўз жангини ўтказади.

• -63,5 кг: Мужибилло Турсунов — Чу Ен Лаи (Хитой Тайпейи) – 23:10 дан кейин;
• -80 кг: Одилжон Аслонов — Робби Гонсалес (АҚШ) – 00:30 дан сўнг.