Тошкент–Хўжанд–Тошкент йўналишида Ўзбекистон ва Тожикистон ўртасида мунтазам автобус қатнови қайта тикланди. Бу ҳақда Транспорт вазирлиги маълум қилди.
Ушбу йўналишда мунтазам автобус қатновлари ҳар куни амалга оширилади. Ўзбекистон томонидан ташувчи Uzautotrans Servicе корхонаси Yutong русумли автобусларида йўловчиларга хизмат кўрсатади.
Тожикистон томонидан эса ташувчи Holding Asia Group Tadjikistan ZАО га қарашли Vanholl русумли автобуслар ушбу йўналишда ҳаракатланади.
Автобуслар соат 09:00 ва 18:00 да Тошкент автовокзалидан жўнайди. Тошкентдан Хўжандгача йўл ҳаққи 100 000 сўм этиб белгиланган.
Изоҳ (0)