Toshkent–Xo‘jand–Toshkent yo‘nalishida O‘zbekiston va Tojikiston o‘rtasida muntazam avtobus qatnovi qayta tiklandi. Bu haqda Transport vazirligi ma’lum qildi.
Ushbu yo‘nalishda muntazam avtobus qatnovlari har kuni amalga oshiriladi. O‘zbekiston tomonidan tashuvchi Uzautotrans Service korxonasi Yutong rusumli avtobuslarida yo‘lovchilarga xizmat ko‘rsatadi.
Tojikiston tomonidan esa tashuvchi Holding Asia Group Tadjikistan ZAO ga qarashli Vanholl rusumli avtobuslar ushbu yo‘nalishda harakatlanadi.
Avtobuslar soat 09:00 va 18:00 da Toshkent avtovokzalidan jo‘naydi. Toshkentdan Xo‘jandgacha yo‘l haqqi 100 000 so‘m etib belgilangan.
Mavzuga doir:
Izoh (0)