Макияждан сўнг тери тиниқ ва табиий кўриниши учун тональ кремини махсус усулда қўллаш керак. Усуллар тери турига қараб бироз фарқ қилади.
Ёғли тери
Агар юз териси ёғли бўлса, хафа бўлишнинг кераги йўқ. Терининг яхши эканлиги фақат 40 ёшдан ўтгандан кейин билинади. Бунинг учун фақат суюқ тональ кремдан фойдаланиш лозим. Маҳсулот одатда шиша идишлар ва тюбикларда сотилади. У ёғни оз ва микроскопик упани кўп миқдорда ўз ичига олади, улар кун давомида тери ишлаб чиққан ёғларни ўзлаштиради. Сотиб олишдан олдин таркибни диққат билан ўқиш лозим. Унинг таркибида қизилмия илдизи ёки беҳи уруғи экстрактини бўлиши зарар қилмайди.
Тональ креми кичик нуқта шаклида юз терисига қўлланади, айлана ҳаракатда марказдан четга қараб ёйилади. Пудрадан аввал оддий салфетка юзга аста босилади ва кремнинг ортиқча қисми шу тарзда олиб ташланади. Ушбу салфеткалар ёрдами билан кундузги макияжни тўғрилаш мумкин.
Ҳуснбузар ва тошмалардан яллиғланган тери
Ҳозирча бундай тери эгалари суюқ тональ кремдан воз кечгани ва крем упалардан фойдалангани маъқул. Тональ креми тоза ва яхши тайёрланган терига суртилса, у тешикларни ёпади ва уларга чанг тўпланиб қолишининг олдини олади. Бу терини қайта яллиғланишдан қутқаради.
Минерал упани ишлатиш янада яхшироқ бўлиб, у аллергияга олиб келмайди. Уни қўллашда шимгичдан фойдаланиш керак. Ҳар фойдаланишдан кейин шимгич илиқ сув билан ювилади ва қуритилади. Акс ҳолда у бактериялар ташувчисига айланади. Натижада улар бундай тери эгалари муаммо туғдиради.
Меъёрдаги тери
Агар тери ёғли ёки қуруқ бўлмаса, унинг эгаларини бахтли дейиш мумкин. Шунингдек, улар кундузги тональ креми билан кифояланади. Одатда улар витамин ва минераллар билан бойитилади. Тональ креми табиий рангга мос келишига ишонч ҳосил қилиш лозим. Албатта, макияжни мицеляр суви билан артиш лозим.
Қуруқ тери
Қуруқ терилар учун классик тональ кремлари мос келади. Уларда одатда ёғ, сув ва витаминлар кўп бўлади, жумладан, ретинол ва E витамини ҳам мавжуд. Бундай терини намлантирувчи ва кундузги кремлар билан макияжга тайёрлаш керак.
Бармоқларнинг учи билан қуруқ терига тональ креми суртилади. Агар тери ўта қуриб кетса, маҳсулот бармоқлар ёрдамида ёйилмайди. Бунинг учун шимгич сувга ботириб олинади, яхшилаб сиқиб олиниб ва у билан суртилади. Кремни нам шимгич билан турли йўналишларда тарқатиш керак эмас. Уни мулойимлик билан суртишга ҳаракат қилиш лозим.
Етилган тери
Худди ёғли тери каби суюқ тональ кремлар мос келади. Шунингдек, янги ишлаб чиқарилаётган тональ кремларига ҳам эътибор бериш керак. Улар, асосан, ажинларни ва доғларни беркитиши керак.
Бундай териларга тональ креми ўртача миқдорда бармоқ учлари билан юз терисига қўлланади. Массаж орқали чизиқлари бўйлаб енгил айлана ҳаракатлар билан суртилади.