Ўзбекистон дзюдо федерацияси матбуот хизмати Рио—2016 Олимпиадасининг бронза медали соҳиби Диёрберк Ўрозбоевда допинг аниқлангани масаласи бўйича расмий муносабат билдирди.
Ўзбекистон Миллий антидопинг агентлиги томонидан ўтказилган таҳлиллардан кейин Диёрбек Ўрозбоев тақиқланган модда истеъмол қилгани ва шу сабаб 3 йилга дисквалификация қилингани ҳақида хабар қилинганди. Унда Ўрозбоевнинг дзюдо бўйича миллий терма жамоа аъзоси эканлиги таъкидлаб ўтилган. Бироқ Ўзбекистон дзюдо федерацияси Диёрбек 2021 йилнинг февраль ойидан бери терма жамоа йиғинларида иштирок этмаётгани сабаб Ўзбекистон дзюдо миллий терма жамоаси аъзолигидан чиқарилганини таъкидланган. Бу ҳақида қарор айнан қайси куни чиқарилганига изоҳ берилмаган.
Диёрбек Ўрозбоев миллий терма жамоа аъзоси сифатида охирги иштирок этган мусобақаси 2021 йилнинг 18—20 февраль кунларига тўғри келади. У шу санада Тель-Авивда (Исроил) ўтган «Катта дубулға» турнирида қатнашган. Ушбу мусобақадан кейин бир неча бор ўқув-машғулот йиғинига таклиф қилинишига қарамай, иштирок этишни истамаган. Бу борада унинг ўзи ҳам, оила аъзолари ҳам огоҳлантирилган. Ўзи билан профилактик суҳбатлар ўтказилган. Вазият ижобий томонга ўзгармаса, миллий терма жамоадан четлатилиши бўйича огоҳлантириш берилган.Аввалроқ белбоғли кураш устаси Мардондек Кимсанов ва каратэ бўйича Осиё чемпиони Нодира Жуманиёзова, самбочи Дилшод Чориев ва ўзбекистонлик 7 нафар оғир атлетикачи допинг сабабли 4 йилга, UFC жангчиси Лилия Шокирова эса 2 йил муддатга дисквалификация қилингани маълум бўлганди.Шундан келиб чиқиб Диёрбекнинг 2021 йилнинг февралидан то шу кунгача дзюдо билан шуғуланмай келаётгани, ташкил этилган ўқув-машғулот йиғинлари, халқаро мусобақаларда иштирок этмаётганини инобатга олган холда Ўзбекистон миллий терма жамоаси аъзолари рўйхатидан чиқарилган.
Шу ўринда хабарга ойдинлик киритиб кетамиз, допинг-таҳлил Ўзбекистон Миллий антидопинг агентлиги ходимлари томонидан олинган бўлиб, Диёрбек Ўрозбоевнинг Рио—2016 Олимпиадасидаги медалига ҳеч қандай таъсир ўтказмайди.
Ўзбекистон дзюдо федерацияси матбуот хизмати
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)