Футбол бўйича Европа Конференциялар Лигасининг 3-туридан ўрин олган ўйинда «Рома» 21 октябрь, пайшанба куни «Будё Глимт» меҳмони бўлди.
Норвегияда бўлиб ўтган ўйинда мезбонлар 6:1 ҳисобида ғалаба қозонди. «Будё Глимт» сафида Эрик Ботхейм (дубль), Патрик Берг, Ола Солбаккен (дубль) ва Амал Пеллегрино ўз номини таблога ёздириб қўйган бўлса, бутун ўйин давомида ишончсиз ҳаракат қилган «Рома»нинг ягона жавоб голига Карлес Перес муаллифлик қилди.
Учрашувда «Рома»нинг ўзбекистонлик ҳужумчиси Элдор Шомуродов иккинчи бўлим аввалида майдонга туширилди.
Мазкур ғалабадан кейин «Будё Глимт» 7 очко билан C гуруҳи пешқадамига айланди. Иккинчи ўриндаги «Рома»нинг ҳисобида 6 очко бор.
«Тоттенҳэм» ҳам сафарда мағлубиятга учради. «Шпорлар» «Витесс»га 1:0 ҳисобида имкониятни бой бериб қўйди.
Конференциялар Лигаси
3-тур баҳслари
21 октябрь, пайшанба
«Будё Глимт» Норвегия — «Рома» Италия 6:1
Голлар: 1:0 – 8 Ботхейм, 2:0 – 20 Берг, 2:1 – 28 Карлес Перес, 3:1 – 52 Ботхейм, 4:1 – 71 Солбаккен, 5:1 – 78 Пеллегрино, 6:1 – 80 Солбаккен.«Будё»-Глимт» – Ҳайкин, Сампстед, Моэ, Лоде (Ҳойбротен, 82), Беркан, Конрадсен (Ҳаген, 90), Берг, Фет (Ветлесен, 81), Пеллегрино (Мугиша, 87), Ботхейм, Солбаккен (Кумсон, 87).
«Рома» – Руй Патрисиу, Рейнолдс, Кумбула, Рожер, Калафёри, Вильяр (Мхитарян, 46), Диавара (Пеллегрини, 60), Дарбо (Кристанте, 46), аш-Шаарави (Абраҳам, 60), Майораль (Шомуродов, 46), Карлес Перес.
Огоҳлантиришлар: Дарбо (33), Лоде (37).
Изоҳ (0)