Голливуд юлдузи Жейсон Moмoа Эллeн Деженереснинг ток-шоуси вақтида янги «Аквамен: Йўқотилган қироллик» фильмини суратга олиш жараёнида олган жароҳатлари ҳақида сўзлаб берди, деб ёзади «Korrespondent.net».
«Кўзимга шикаст етказиб қўйдим. Муолажа қилишди, кейинроқ операция қилдиришим керак экан. Чуррам бор, қовурғаларим етишмайди...», — дея таъкидлайди актёр.
Шу билан бирга, актёр жароҳатлар уни қўрқитмаслигига ишонтирган.
«Ўз ишимни яхши кўраман, баъзида унга ҳаддан ортиқ берилиб кетаман. Барчасига ёшим айбдор. Энди мен қариётган суперқаҳрамонман», — дейди Moмoа.
Шунингдек, у янги фильм томошабинларга, албатта, ёқишига ишонч билдирган.
Аввалроқ «Дейнерис» ва «кхал Дрого» сериал яратувчиларидан бири томонидан ташкил этилган кечада учрашиб қолгани, Жейсон Moмoа «Тахтлар ўйини»дан сўнг моддий қийинчиликларга учрагани тўғрисида хабар берилганди.
Изоҳ (0)