“KinoPoisk” saytining ma’lum qilishicha, Jeyson Momoa “Taxtlar o‘yini” filmining suratga olish ishlari tugaganidan so‘ng moddiy qiyinchiliklarga uchragan. O‘sha vaqtda hali film mashhurlikka erishmagan va Momoaga boshqa filmlardan taklif ham tushmagan. Lekin aktyor rafiqasi va ikki farzandini boqishi uchun mablag‘ kerak bo‘lgan.

Foto: Pinterest

“Biz ‘Taxtlar o‘yini’ yakunlangandan so‘ng chindan ham pulsiz qolgandik”, − deydi Jeyson. – Men hech qanday ish topa olmadim. Og‘ir kunlar edi, oilang, farzandlaring bor, sen esa qarzga botib ketgansan”.

Foto: “sunmag.me”

2016-yilga kelib rejissor Zak Snayder Jeysonni “Betmen Supermenga qarshi” kartinasida Akvamen roliga taklif etgandan so‘ng vaziyat sezilarli darajada o‘zgardi. 2018-yilda u yangi loyihada suv osti superqahramoni rolini ijro etdi, bu 1,14 milliard dollar − eng yuqori daromad topgan filmga aylandi.

Foto: “kino.mail.ru”

Momoaning so‘zlariga ko‘ra, u Ayova shtatida yolg‘iz onasining qo‘lida tarbiya topgan, ammo ko‘p vaqti o‘zi tug‘ilgan hamda gavayilik otasi yashaydigan Oaxuda o‘tgan. “Men qarama-qarshi ikki xil dunyoga ega insonlar mahsuliman”, − deydi u.

Foto; “forfun.com”

U Ayova shtatidagi maktabda tahsil oladigan turli millatga mansub yagona o‘quvchi bo‘lgan. Momoa dastlab bezorilar uchun yaxshigina nishonga aylangan, keyinchalik mahalliy sportchilar ham uni san’at va skeytbord bilan shug‘ullanishini ma’qullamagan. “Ular meni juda ko‘p kaltaklar edi. Aybim hammadan ajralib turganimda edi”, − deb eslaydi aktyor.

Foto: “sm.news”

Aktyorning debyut roli – “Malibu qutqaruvchilari” filmidagi ishtiroki tasodifan ro‘y bergan. U do‘stlari bilan birga loyihada ishtirok etayotgan suzish kiyimidagi qizlarni ko‘rib, hayratda qolgan, to‘satdan unga filmda rol ijro etish taklifi tushgan. Shundan so‘ng Jeyson aktyor bo‘lishga qaror qilgan.

Foto: “kino.mail.ru”

Momoaning uyidan skeytbord uchun qo‘lda yasalgan pandus, Freya ismli uy eshagi va buyurtma asosida yaslagan elektr gitarani topish mumkin. Shuningdek, aktyor pushti rangni yoqtiradi. “Pushti shunchaki chiroyli rang. Menga kim nima deb o‘ylashi muhim emas”, − deydi aktyor.