Warner Brothers кинокомпаниясининг YouTube’даги каналида режиссёр Мэтт Ривз томонидан ишланган «Бэтмен» фильмининг асосий трейлери эълон қилинди, деб хабар беради Esquire.
Картинада бош ролни Роберт Паттинсон ижро этган. Янги фильм сюжетига кўра, актёр Бэтменнинг ёшлик йилларини ижро этади — эндигина қаҳрамонлик йўлига кирган ва оиласи билан боғлиқ қотилликлар сериясига дуч келган даври, бу вақтда Готемда жиноят ва коррупция авж олган.
Трейлерда Мушук аёл (Зои Кравис) ва фильмнинг асосий ёвуз қаҳрамони Пингвин (Колин Фаррелл)ни учратиш мумкин, шунингдек, оловга бардошли бэтмобиль ҳам ёрқин тасвирланган. Шу билан бирга, янги фильмда Бэтменга қарши курашувчи Пол Дано ижросидаги қаҳрамонни, комиссар Гордон (Жеффри Райт) ва Альфред (Энди Серкис)ни учратиш мумкин.
Фильм премьераси 2022 йил 3 март санасига режалаштирилган.
Таъкидланишича, режиссёр фильмни яратиш вақтида Поланскининг «Хитой даҳаси» ва Скорсезенинг «Таксичи» картиналаридан илҳомланган.
Маълумот учун, 2020 йилнинг февралида бошланган «Бэтмен» ҳақидаги фильм суратга олиш жараёни коронавирус сабаб март ойида тўхтатилганди. Сентябрда қайта суратга олиш ишлари бошлаб юборилган. Аввалига, 2021 йилнинг июнь ойига белгиланган фильм премьераси кейинроқ 2021 йилнинг 30 сентябрига кўчирилганди.
Мавзуга доир: Бен Аффлек Бетмен ролига бошқа қайтмаслигини билдирди
Изоҳ (0)