Ўзбекистон миллий терма жамоаси ва «Ан-Насср» клуби ҳужумкор ярим ҳимоячиси Жалолиддин Машарипов Осиё Чемпионлар Лигаси чорак финалининг энг яхши футболчиси деб топилди ва рамзий терма жамоадан жой олди.
Жалолиддин Машарипов тўп сурадиган «Ан-Насср» жамоаси Чемпионлар Лигаси чорак финалида БААнинг «Ал-Ваҳда» жамоасини 5:1 ҳисобида мағлуб этиб, ярим финалга йўл олди. Машарипов учрашувда иккита гол урди ва битта голли узатмани ўз ҳисобига ёздириб қўйди.
Шунингдек, 28 ёшли футболчи ҳафта рамзий терма жамоасидан ҳам жой олди.
ОЧЛ—2021 чорак финал рамзий терма жамоаси:
Дарвозабон: Ли Чун («Поҳанг Стилерс»);
Ҳимоячилар: Носир ад-Довсари («Ал-Ҳилол»), Али ал-Булайҳи («Ал-Ҳилол»), Жан Ҳён Су («Ал-Ҳилол»), Ким Таи Ҳван («Улсан Ҳюндай»);
Яримҳимоячилар: Жалолиддин Машарипов («Ан-Насср»), Ли Дон Гён («Улсан Ҳюндай»), Муҳаммад Канно («Ал-Ҳилол»), Лим Сан Ҳюб («Поҳанг Стилерс»);
Ҳужумчилар: Абдураззоқ Ҳамдаллуҳ («Ан-Насср»), Бафетимби Гомес («Ал-Ҳилол»).
Машарипов тўп сурадиган «Ан-Насср» жамоаси ОЧЛ ярим финалида «Ал-Ҳилол»га қарши ўйнайди. Учрашув 19 октябрь куни 23:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)