Ҳиндистонда ички ишлар вазирининг ўғли Ашиш Мишра бир гуруҳ фермерларнинг ўлимига алоқадорликда гумонланиб, ҳибсга олинди. Бу ҳақда Reuters хабар берди.
Таъкидланишича, 3 октябрь куни Ҳиндистон ички ишлар вазири Ажай Мишрага тегишли автомобиль Лаҳимпур шаҳрида норозилик билдираётган фермерлар гуруҳини уриб кетган. Оқибатда тўрт киши ҳалок бўлган.
Воқеадан кейин ғазабланган намойишчилар ҳайдовчини ва машинадаги яна уч йўловчини таёқ билан калтаклаб, машинани ёқиб юборган. Шунингдек, маҳаллий журналист ҳалок бўлгани ҳақида хабар қилинган.
Гувоҳларнинг сўзларига кўра, машинада вазирнинг ўғли бор эди. Бироқ сиёсатчи бу маълумотни рад этмоқда.
Шунга қарамай Ҳиндистон Олий суди штат ҳукуматини Ашишни ҳибсга олмагани учун танқид қилди. Сўнг полиция вазирнинг ўғлини 10 соатдан кўпроқ сўроқ қилди ва уни ҳибсга олди.
Энди ҳинд мухолифати унинг отасини ҳам лавозимидан четлатишни талаб қилмоқда.
Аввалроқ Ҳиндистонда ўн минглаб фермерлар эски Деҳлининг тарихий марказида навбатдаги иш ташлашни уюштирганди.
Мавзуга доир:
- Болливуд қироли Шоҳруҳ Хоннинг ўғли Арян наркотик моддаларга оид жиноят ишига алоқадорликда гумонланиб, ҳибсга олинди
- Россияда беш кишининг ўлимига сабаб бўлган Элбрус чўққисига сафар ташкилотчиси ҳибсга олинди. Терговдан сўнг у айбига иқрор бўлди
- Неаполда мафиянинг 70 ёшли аёл раҳбари ҳибсга олинди
Изоҳ (0)