Hindistonda ichki ishlar vazirining o‘g‘li Ashish Mishra bir guruh fermerlarning o‘limiga aloqadorlikda gumonlanib, hibsga olindi. Bu haqda Reuters xabar berdi.
Ta’kidlanishicha, 3-oktabr kuni Hindiston ichki ishlar vaziri Ajay Mishraga tegishli avtomobil Lahimpur shahrida norozilik bildirayotgan fermerlar guruhini urib ketgan. Oqibatda to‘rt kishi halok bo‘lgan.
Voqeadan keyin g‘azablangan namoyishchilar haydovchini va mashinadagi yana uch yo‘lovchini tayoq bilan kaltaklab, mashinani yoqib yuborgan. Shuningdek, mahalliy jurnalist halok bo‘lgani haqida xabar qilingan.
Guvohlarning so‘zlariga ko‘ra, mashinada vazirning o‘g‘li bor edi. Biroq siyosatchi bu ma’lumotni rad etmoqda.
Shunga qaramay Hindiston Oliy sudi shtat hukumatini Ashishni hibsga olmagani uchun tanqid qildi. So‘ng politsiya vazirning o‘g‘lini 10 soatdan ko‘proq so‘roq qildi va uni hibsga oldi.
Endi hind muxolifati uning otasini ham lavozimidan chetlatishni talab qilmoqda.
Avvalroq Hindistonda o‘n minglab fermerlar eski Dehlining tarixiy markazida navbatdagi ish tashlashni uyushtirgandi.
Mavzuga doir:
- Bollivud qiroli Shohruh Xonning o‘g‘li Aryan narkotik moddalarga oid jinoyat ishiga aloqadorlikda gumonlanib, hibsga olindi
- Rossiyada besh kishining o‘limiga sabab bo‘lgan Elbrus cho‘qqisiga safar tashkilotchisi hibsga olindi. Tergovdan so‘ng u aybiga iqror bo‘ldi
- Neapolda mafiyaning 70 yoshli ayol rahbari hibsga olindi
Izoh (0)