YouTube’даги WoodWorking Art каналида ёғоч бўлагидан Gelandewagen’нинг аниқ нусхасини ясаш жараёни тасвирланган видео пайдо бўлди. Ўйинчоқ Mercedes-Benz йўлтанламаснинг асосий эҳтиёт қисмлари фусзян сарвидан ишланган, аммо ҳаракатланувчи элементлари металлдан ясалган. Машина нусхасини ясашга бир неча ҳафта сарфланган бўлиб, у тўққиз дақиқали роликка жойлаштирилган, деб хабар беради Motor.
Вьетнамлик блогер G-Class’нинг ёғоч нусхасини олдин ҳам ясаган, бироқ у вақтда АМG G 63 версиясига тўхталган эди. Эндиликда худди шу масштабда G500 нинг оддий версияси ясалди, таъкидлаш керакки, дурадгор буюртмага кўра ҳақиқий йўлтанламасни тасвирлашга уринган. Автомобиль рақамларига кўра, йўлтанламас киевлик фуқаронинг буюртмасига кўра ясалган.
Гап оддий G500 ҳақида кетаётган бўлсада, уста нима учундир тормоз суппортларини қизил рангга бўяган, орқасига 4х4² ёзуви туширилган. Бу каби майда жиҳатларига эътибор қаратилмаса, ёғочга ишлов бериш жараёни ҳайратланарли: шиналар, ҳаво ҳайдаш панжаралари ва дискалар жуда сифатли тайёрланган, салон ва капот ости маконининг ўхшашлигини инкор этиб бўлмайди.
Аввалроқ вьетнамлик дурадгор Чионг Ван Дао оддий ёғоч бўлакларидан Ferrari 250 GТО нусхасини яратиш жараёни тасвирланган видео билан бўлишганди.
Изоҳ (0)