Янги Lada Vesta худди Tesla’даги каби вертикал сенсор экранга эга бўлади

«ВКонтакте» ижтимоий тармоғидаги Lada Vesta FL гуруҳида келажакда тақдим этиладиган Lada Vesta салонининг сурати эълон қилинди. Фотожосус моделдаги янги мултимедиа тизими модулини — Tesla электрокарлари услубида вертикал ўрнатилган планшетни тасвирга олишга муваффақ бўлган. Сураткаш объективидан ўрин олган интерьернинг бошқа элементлари орасида сўнгги Renault моделларидаги каби янги иқлим-назорат бошқаруви блокини ҳам учратиш мумкин, деб хабар беради Motor.

Янги мултимедия тизими Tesla электомобилларида фойдаланилаиган экранларга ўхшаш массив вертикал планшет кўринишида. Суратларга кўра, сенсорли дисплей ёрдамида навигацияни бошқариш, мултимедиани созлаш, шунингдек, мобил қурилмани улаш мумкин. Шу билан бирга планшетнинг ўзи ҳаво ҳайдовчи дефлекторлар орасида жойлашган.

Бундан ташқари, суратда иқлим тизими бошқарувчи янги блокни ҳам кўзга ташланади, у оқ «подвеска»ли учта ўчириб-ёққич шайбалар билан жиҳозланган. Шу билан бирга, селекторлардан бирига митти дисплей ўрнатилган бўлиб, унда узатилаётган ҳавонинг ҳарорати ҳақида маълумот мавжуд. Бу каби интерьер элементларини янги Renualt модели учратиш мумкин.

Тахминларга кўра, такомиллаштириладиган Lada Vesta’нинг имкониятлари қаторидан калитсиз салонни очиш функцияси, «кўр зоналар»да назорат функцияси, шунингдек, ёруғлик диодли оптика ҳам ўрин олади.

Аввалроқ Ўзбекистонда Lada автомобилларини серияли ишлаб чиқариш бошлангани тўғрисида хабар берилганди.