Ўзбекистоннинг Истанбул шаҳридаги бош консулхонаси Туркияда яшаётган ўзбекистонликлар 24 октябрь куни президент сайловида қатнаша олиши учун 44-сайлов участкаси ташкил этилганини маълум қилди.
Бош консулхона маълумотларига кўра, ушбу сайлов участкаси Истанбул шаҳрининг Бешиктош тумани, «Левент» маҳалласи, Лале кўчаси 8-уйда жойлашган.
Шунингдек, маълум қилинишича, фуқароларнинг ўз конституцион ҳуқуқларидан фойдаланишларига қулай шароит яратиш мақсадида бош консулхона томонидан қуйидаги манзилларда муддатидан олдин овоз бериш ташкил этилмоқда:
- 16 октябрь куни Бурса шаҳридаги Ўзбекистоннинг фахрий консуллиги офиси;
- 17 октябрь куни Истанбул шаҳри Фотиҳ туманидаги «Блу Мармарай меҳмонхонаси» (Blue Marmaray Hotel);
- 20 октябрь куни Истанбул шаҳри Кадикой туманидаги «Туркпермит» фирмасининг офиси.
Дипломатик ваколатхоналардан тўпланган маълумотларга кўра, чет элдаги сайловчиларнинг бирламчи рўйхати шакллантирилган.
Изоҳ (0)