11 октябрь – Халқаро қизлар куни ҳисобланади. ЮНИСЕФ шу муносабат билан Ўзбекистон ёшлари ўртасида компьютер саводхонлиги бўйича ўтказган тадқиқот натижаларини эълон қилди.
Унга кўра, Ўзбекистонда компьютер саводхонлиги бўлмаган қизларнинг улуши 43,5 фоизни, ўғил болаларники 30 фоизни ташкил қилади.
Аниқланишича, 14 ёшдан 30 ёшгача бўлган қизлар ва ёш аёлларнинг 68 фоизи ҳеч қачон интернетдан фойдаланмаган.
«Бу уларнинг таълим олиш ва меҳнат бозоридаги салоҳиятини рўёбга чиқариш имкониятларини сезиларли даражада камайтиради. Қизларнинг истеъдодлари очилиши учун уларга рақамли дунё борасида саводхонлик ва бу маконда зўравонлик хавфидан холи бўлган хавфсизлик зарур», — дейилади хабарда.
Маълумот учун, 2020 йил декабрь ҳолатига кўра, Ўзбекистонда интернет хизматидан фойдаланувчилар сони 22,1 миллиондан ошган. Шундан мобил интернет фойдаланувчилари сони 19 миллион кишини ташкил қилмоқда.
Мавзуга доир:
Изоҳ (0)