АОКАда ўтказилган брифингда Адлия вазирлиги ахборот хизмати раҳбари Севара Ўринбоева ҳокимият вакилига қаршилик кўрсатганлик учун жавобгарликнинг кучайтирилиши тўғрисидаги қонун юзасидан маълумот берди.
Аввалроқ Жиноят кодекси ва Маъмурий жавобгарлик тўғрисидаги кодексга ўзгартиришлар киритишни назарда тутувчи қонун Президент томонидан имзолангани тўғрисида хабар берилганди. Киритилган ўзгартиришларга кўра, ҳокимият вакилига ёки фуқаровий бурчини бажараётган шахсга қаршилик учун жиноий жавобгарлик кучайтирилган.
Севара Ўринбоеванинг сўзларига кўра, Ўзбекистонда сўнгги йилларда ҳокимият вакилига нисбатан фаол қаршилик кўрсатиш жиноятларининг сони ошган, жумладан, 2019 йилда — 243 тани, 2020 йилда эса 251 тани ташкил этган. Шунингдек, ҳуқуқни муҳофаза қилувчи орган ходимларига тажовуз кайфияти ҳам ортиб, 2018 йилда 24,1 минг ҳолат содир этилган бўлса, 2020 йилда 39 минг ҳолатни ташкил қилмоқда.
Таъкидланишича, охирги вақтларда ички ишлар органлари ходимининг қонуний талабларини бажармаслик ҳолатлари ҳам сезиларли даража ошиб бормоқда. ИИО ходимларининг қонуний талабларига қуйидагилар киради:
- ҳуқуқбузарликни тўхтатиш;
- ҳужжатларни текшириш учун тақдим этиш;
- ички ишлар органларига бориш ёки кўрсатилган муддатда ички ишлар органларида бўлиш;
- транспорт воситасини тўхтатиш;
- жабрланувчиларга ёрдам кўрсатиш ва ўз хизмат вазифасида белгилаб қўйилган бошқа талаблар.
Мавзуга доир: «Ҳукумат ихчам бўлиши керак» — Русланбек Давлетов
Изоҳ (0)