Ўзбекистон Экологик партияси номзоди Нарзулло Обломуродов бугун, 6 октябрь куни намаганлик сайловчилар билан учрашди. Учрашув доим ва ҳар бир ҳудудда бўлганидек, вакилларнинг номзод таржимаи ҳолини сайловчиларга таништириши билан бошланди.
Нарзулло Обломуродовнинг ўзи ҳам сайловчиларнинг олдида сўзга чиқди. Номзод ўзининг сайловолди дастури билан уларни батафсил таништирди. Обломуродов табиатга зарар етказувчиларга жавобгарлик кучайтирилишини айтди.
«Партия табиатни асраб-авайлаш, мамлакатдаги дарахтлар ва сув ҳавзаларини, табиий ёдгорликларни салбий антропоген таъсирдан ҳимоя қилиш учун катта саъй-ҳаракатларни амалга оширади. Муҳофаза этиладиган табиий ҳудудларни ҳимоя қилиш ва экологик ҳуқуқбузарликлар учун жавобгарликни кучайтиришга қаратилган қонунчилик ташаббусларини илгари сурамиз», — дейди номзод.
Обломуродовнинг сўзларига кўра, «экологик жиноятчилар»ни жазолашнинг янгича «ифлослантирувчи тўлайди» деган тамойили жорий этилади.
«Жисмоний ва юридик шахсларнинг ер, сув ва атмосфера ҳавосига салбий таъсири учун жавобгарлик чораларини кучайтириш, етказилган зарарни қоплашда ‘ифлослантирувчи тўлайди’ тамойилининг тарафдоримиз», — деди Нарзулло Обломуродов.
Табиатга зарар келтирганларни жазолаш билангина иш битмайди, унга қарши курашиш, амалий ишлар қилиш керак, албатта. Шу сабабли Нарзулло Обломуродов наманганлик сайловчилар билан учрашувдан сўнг вилоятдаги «Афсоналар боғи»га бориб, дарахт экди.
Номзод боғда дам олувчилар учун яратилган шарт-шароитлар билан танишиб, дарахт экиш акциясини ўтказди. Сиз ҳам ушбу хайрли ишларда фаол бўлинг. Бундай акциялар давомий бўлиши учун муносиб номзодга овоз беринг.
Реклама ҳуқуқи асосида.
Изоҳ (0)