Ҳозирги кундаги энг долзарб ва аҳолини қийнаб турган муаммолардан бири, экологиянинг ёмонлашишидир. Унинг бу аҳволга келишига бир неча сабаблар бор, аниқ биттасини ажратиб кўрсатиб бўлмайди. Лекин бугунги кундаги оддий ёқилғида ҳаракатланувчи машиналар ҳам «қўлидан келганча» табиатга зарар етказмоқда. Шу сабабли, президентликка номзод Нарзулло Обломуродов ўз сайловолди дастурида бу масалага алоҳида эътибор қаратган.
Ўзбекистон Экологик партияси номзоди бугун, 4 октябрь куни андижонлик сайловчилар билан учрашди. Вилоятнинг Шаҳрихон туманида бўлиб ўтган учрашувда Нарзулло Обломуродов ўзининг сайловолди дастуридан ўрин олган устувор вазифаларни санади.
Номзоднинг сўзларига кўра, «яшил энергетика», экологик тоза транспортларни кўпайтириш ва ҳатто давлат харидлар тизида ҳам «яшил харидлар»ни қўллаб қувватлаш партиянинг асосий режаларидан. Обломуродовга кўра, қуйидагилар партиянинг устувор вазифалари саналади:
- «яшил иқтисодиёт» тамойиллари асосида мамлакатдаги ишлаб чиқаришнинг барча соҳаларини жадал ривожлантиришга йўналтирилган сиёсатни юритиш;
- «яшил энергетика», «ақлли» қишлоқ хўжалиги тамойилларини тадбиқ этишнинг ҳуқуқий асосларини ишлаб чиқиш ва жорий этиш;
- экологик тоза транспорт воситаларидан фойдаланишни кенг жорий этиш;
- давлат харидлари тизимида «яшил харидлар»га устуворлик бериш тамойилларини жорий этиш.
Экологиянинг ҳаминқадарлиги реал муаммо. Ундан қочиб қутулишнинг иложи йўқ. Аммо олдини олишнинг йўллари бор, албатта. Келажакни «яшил» қилиш учун президентлик сайловида Экологик партия номзоди Нарзулло Обломуродовга овоз беринг.
Реклама ҳуқуқи асосида.
Изоҳ (0)