Уилл Смит карьерасидаги энг яхши ва ёмон фильмлар номини маълум қилди

Голливуд юлдузи Уилл Смит GQ журналига берган интервьюсида фильмографиясидаги қайси лойиҳаларни энг яхши ва ёмон деб ҳисоблашини маълум қилди, деб хабар беради «Фильм.ru».

«Энг яхшиларига келадиган бўлсак, бу борада ‘Қорадаги одамлар’ ва ‘Бахт ортидан қувиб’ ўртасида дурранг бўлади. Турли сабабларга кўра, ушбу иккиси деярли идеал», — дея таъкидлайди Смит.

Энг ёмон фильми дея актёр «Ёввойи, ёввойи Ғарб»ни атаган: «Тирноқ ичидаги зирапчадек. Ўзимни чарм иштонларда кўриш ҳам менга ёқмайди».

Аввалроқ Смит «Матрица»нинг биринчи қисмида Нео ролини ижро этишдан бош тортгани ва бунинг ўрнига «Ғарб»да суратга тушганини айтган эди. Бунга картина режиссёрлари бўлган Вачовскилар томонидан лойиҳанинг «ёввойича» тақдим этилиши бўлган.

Аввалроқ Уилл Смит АҚШ Мустақиллиги куни муносабати билан Янги Орлеанда мушакбозлик бўлмаслигидан хабар топгач, уни ўзи ташкиллаштирган эди.