Sevimli liboslarni yangidek ko‘rinishini uzoqroq saqlab qolish uchun ulardan to‘g‘ri foydalanish kerak. Buning uchun kiyimda berilgan yorliqqa ko‘ra nimaga ruxsat berilgani va nima mumkin emasligini o‘rganish lozim.
Idishda suv
Idishdagi suv – yuvish uchun ruxsat etilgan maksimal suv harorati. Ba’zan raqamlar o‘rniga idishning ichida nuqta ham bo‘lishi mumkin. Bir nuqta – eng past, ikki nuqta – normal, uchtasi – maksimal yuvish haroratini anglatadi. Idish ostidagi bir, ikki yoki uchta chiziq matoning nozikligini ko‘rsatadi, chiziqlar qancha ko‘p bo‘lsa, rejimning eng quyisida yuvish lozim.
To‘rtburchak
To‘rtburchakning hammasi kiyimni qanday quritish haqida. To‘rtburchak ichidagi aylana kiyimni avtomatik quritishdan foydalanish mumkinligini bildiradi. Shakl ostidagi chiziqlar esa matoning nozikligidan xabar beradi. Vertikal tasma kiyimni tik holatda quritish kerakligini anglatadi. va to‘rtburchakning yuqori qismidagi yarim doira kiyimni faqat dorlarda quritish mumkin deganidir.
Aylana
Bu piktogramma kimyoviy tozalashni anglatadi. Ustidan chizilgan aylana, albatta, buni taqiqlaydi. Ichida harf yozilgan doira qaysi kimyoviy birikmani ishlatish kerakligi haqidagi savolga javob beradi. Bu ma’lumot kimyoviy tozalash ishchilari uchun mo‘ljallangan.
Uchburchak
Ushbu belgi oqartirish haqida. Uchburchakdagi ikkita qiya chiziq matoni oqartirish mumkinligini ko‘rsatadi, lekin xlorsiz. Bundan farqli o‘laroq, uchburchakdagi Cl harflari xlorli oqartirgichdan foydalanishga ruxsat beradi.
O‘zingiz yoqtirgan kiyimlarga to‘g‘ri parvarish qilayotganingizni tekshirib ko‘ring.
Mavzuga doir:
- Djinsi kiyimlar sifatini yo‘qotmaslik uchun qanday yuvish kerak: 5 ta muhim qoida
- Yuvgandan keyin kichrayib qolgan sviterni qanday qilib o‘z holiga qaytarish mumkin?
- Dog‘larni ketkazish bo‘yicha va yana kundalik turmushda asqatadigan 15 tavsiya
- Shampun, folga va kiyimlarni yuvishda kerakli bo‘lgan boshqa 8 ta kutilmagan vosita (foto)
- Takror ishlatish mumkin va kerak bo‘lgan bir martalik buyumlar
Izoh (0)