Англия Премьер Лигасининг 7-туридан ўрин олган бир қатор баҳслар 3 октябрь, якшанба куни бўлиб ўтди.
Турнинг марказий учрашуви «Ливерпуль» ва «Манчестер Сити» жамоалари ўртасида кечди. Ўйиннинг биринчи бўлимида ҳисоб очилмади. 59-дақиқада Садио Мане майдон эгаларини олдинга олиб чиқди. Орадан ўн дақиқа ўтиб Фил Фоден мувозанатни тиклади.
76-дақиқада Муҳаммад Салоҳ бир нечта ҳимоячини ортда қолдирган ҳолда чиройли голга муаллиф бўлди. 81-дақиқада эса Кевин де Брюйне «шаҳарликлар»нинг позицион ҳужумини муваффақиятли якунлади. Қолган вақтда ҳисоб ўзгармай қолди.
Ушбу натижадан кейин «Ливерпуль» 15 очко билан иккинчи ўринда қолди, «Манчестер Сити» (14) эса учинчи поғонадан жой олган.
«Тоттенҳэм» ўз уйида «Астон Вилла»ни мағлуб этган бўлса, «Лестер» сафарда «Кристал Пэлас» билан жанговар дуранг қайд этди.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
АПЛ
7-тур баҳслари
3 октябрь, якшанба
«Ливерпуль» — «Манчестер Сити» 2:2
Голлар: 1:0 – 59 Мане, 1:1 – 69 Фоден, 2:1 – 76 Салоҳ, 2:2 – 81 де Брюйне.«Ливерпуль»: Алиссон, Матип, ван Дейк, Робертсон, Ҳендерсон, Фабиньо, Жонс, Милнер (Гомес, 78), Салоҳ, Мане, Диогу Жота (Фирмино, 68).
«Манчестер Сити»: Эдерсон, Уокер, Ляпорт, Рубен Диаш, Жоау Канселу, де Брюйне, Бернарду Сильва, Родри, Грилиш (Стерлинг, 66), Фоден, Габриэль Жезус.
Огоҳлантиришлар: Рубен Диаш (26), Милнер (42), Жоау Канселу (56), Диогу Жота (65), Бернарду Сильва (77), Фабино (83).
«Тоттенҳэм» — «Астон Вилла» 2:1
Голлар: 1:0 – 27 Ҳёйбьерг, 1:1 – 67 Уоткинс, 2:1 – 71, автогол Таргетт.«Тоттенҳэм»: Льорис, Эмерсон, Дайер, Ромеро, Регилон, Лукас Моура (Хил, 89), Ҳёйбьерг, Ндомбеле (Ло Чельсо, 76), Скипп, Сон Ҳён Мин, Кейн.
«Астон Вилла»: Мартинес, Хоз (Траоре, 80), Мингз, Конса, Таргетт, Кеш, Макгинн, Дуглас Луис, Рэмзи (Буэндиа, 69), Арчер, Ингз, Уоткинс.
Огоҳлантиришлар: Рэмзи (31), Скипп (36), Ромеро (68).
Изоҳ (0)