2021 йил 28 сентябрь куни Лондондаги Альберт-холл залида Жеймс Бонднинг «Ўлиш вақти эмас» номли янги фильмнинг премьераси бўлиб ўтди. Қизил йўлакда янги картинадаги бош роль ижрочилари пайдо бўлди. Шунингдек, премьерага Кембриж герцоглари – Кейт Миддлтон ва шаҳзода Уильям, қолаверса, Корнуол герцоги шаҳзода Чарльз ва унинг рафиқаси Камилла ҳам ташриф буюрди.
Кембриж герцогиняси оқшом учун Jenny Packham’дан тилларанг пистонли матодан тикилган либосни танлади. У ташқи кўринишини катта Onitaa зираклари билан бойитди. Бу танлов малика Диана 1985 йилда Бонд ҳақидаги «A view to kill» фильмининг премьераси учун танлаган либосга ҳурмат эди. Шаҳзода классик смокинг, оқ кўйлак ва бўйинбоғ таққан образда ташриф буюрди.
Фильмда Бонд ролида охиргиси бўлган актёр Дениел Крейг бир вақтнинг ўзида иккита тенденцияни, яъни пушти рангдаги бахмал костюмни уйғунлаштирди.
Фильмнинг саундтрекини куйлаган Билли Айлиш премьерага акаси Финеас билан келди. Айтганча, у мусиқа муаллифи ҳисобланади. Хонанда қизил оқшом учун қора пижама услубидаги Gucci костюмини танлади.
Кечанинг юлдузи актриса Ана де Армас бўлди. У Louis Vuitton’дан узун духобали кўйлакда ажойиб кўринишда пайдо бўлди. Бонд ҳақидаги 25-фильмнинг премьерасида Лашана Линч, Жуди Денч ва Бен Уишоу ҳам иштирок этди.
Жеймс Бонд ҳақидаги «Ўлиш вақти эмас» янги фильмининг жаҳон премьерасида Фиби Уоллер-Бридж, Рами Малек, Наоми Харрис, Мишель Ео, Эмма Радукану ва бошқа юлдулзарни ҳам кўриш мумкин.
Изоҳ (0)