Ижтимоий тармоқларда «Қорасарой» турар жой мажмуаси яқинида номаълум шахс автомобилига 5 ёшли болани ўтқизмоқчи бўлгани ҳақида овозли хабар тарқалган. Тошкент шаҳар ИИББ матбуот хизмати хабар қилишича, ушбу маълумот текширилди ва ёлғон хабар экани маълум бўлди.
Тошкент шаҳри ҳудудида бола ўғрилиги билан боғлиқ факт қайд этилмаган.
«Ҳурматли фуқаролар! Ижтимоий тармоқларда, мессенжерларда, интернет майдонда ҳар сонияда турли хил хабарлар тарқайди.
Эҳтиёт бўлиш зарурлиги ҳақида огоҳлантиришлар ҳеч қачон ортиқча бўлмайди. Фарзандларингизга ширинлик таклиф қилиб, нотаниш подъездга, уйга кириш, бегона автомобилга минишга чорловчи бегоналардан эҳтиёт бўлишни ўргатинг», – дейилади ИИББ хабарида.
Маълумот учун, Маъмурий жавобгарлик тўғрисидаги кодекснинг 202-2-моддасида (ёлғон ахборот тарқатиш) ва Жиноят кодексининг 244-6-моддасида (ёлғон ахборот тарқатиш) жавобгарлик кўзда тутилган.
Мавзуга доир:
- Жиззахда 20 ёшли қизни зўрлик ишлатиб Spark’да олиб қочиб кетган шахс қўлга олинди
- Асакада 9 ёшли қизни ўлдиришда гумон қилиниб, 10 ой қамоқда сақланган аёл терговдаги қийноқ ва далилларнинг сохталаштирилгани ҳақида гапирди
- Қашқадарёда 28 ёшли эркак 12 ёшли қизни ярим тунда ўғирлаб кетиб, зўрламоқчи бўлди (видео)
Изоҳ (0)