Ijtimoiy tarmoqlarda “Qorasaroy” turar joy majmuasi yaqinida noma’lum shaxs avtomobiliga 5 yoshli bolani o‘tqizmoqchi bo‘lgani haqida ovozli xabar tarqalgan. Toshkent shahar IIBB matbuot xizmati xabar qilishicha, ushbu ma’lumot tekshirildi va yolg‘on xabar ekani ma’lum bo‘ldi.
Toshkent shahri hududida bola o‘g‘riligi bilan bog‘liq fakt qayd etilmagan.
“Hurmatli fuqarolar! Ijtimoiy tarmoqlarda, messenjerlarda, internet-maydonda har soniyada turli xil xabarlar tarqaydi.
Ehtiyot bo‘lish zarurligi haqida ogohlantirishlar hech qachon ortiqcha bo‘lmaydi. Farzandlaringizga shirinlik taklif qilib, notanish podyezdga, uyga kirish, begona avtomobilga minishga chorlovchi begonalardan ehtiyot bo‘lishni o‘rgating”, – deyiladi IIBB xabarida.
Ma’lumot uchun, Ma’muriy javobgarlik to‘g‘risidagi kodeksning 202-2-moddasida (yolg‘on axborot tarqatish) va Jinoyat kodeksining 244-6-moddasida (yolg‘on axborot tarqatish) javobgarlik ko‘zda tutilgan.
Mavzuga doir:
- Jizzaxda 20 yoshli qizni zo‘rlik ishlatib Spark’da olib qochib ketgan shaxs qo‘lga olindi
- Asakada 9 yoshli qizni o‘ldirishda gumon qilinib, 10 oy qamoqda saqlangan ayol tergovdagi qiynoq va dalillarning soxtalashtirilgani haqida gapirdi
- Qashqadaryoda 28 yoshli erkak 12 yoshli qizni yarim tunda o‘g‘irlab ketib, zo‘rlamoqchi bo‘ldi (video)
Izoh (0)