Қашқадарё вилоят ИИБ ахборот хизмати раҳбари Ирода Расулова ички ишлар вазири Пўлат Бобожоновнинг танбеҳидан бир ой ўтиб ишдан олинди. Ўрнида янги раҳбар иш бошлади. Бу ҳақда вилоят ИИБ ахборот хизматининг расмий сайтида маълумот берилди.
Қайд этилишича, вилоятда ИИБ ахборот хизмати раҳбари сифатида айни кунга қадар вилоят Йўл ҳаракати хавфсизлиги бошқармаси ахборот хизмати раҳбари вазифасида ишлаб келган Жавлон Бахтиев иш бошлаган.
Эслатиб ўтамиз, Қарши шаҳрида бош прокурор Ниғматилла Йўлдошев, ички ишлар вазири Пўлат Бобожонов ҳамда Олий суд раиси Козимжон Комилов иштирокида спортчи йигит Элбек Раҳимовнинг ўлими юзасидан бўлиб ўтган матбуот анжуманида вилоятда фаолият юритувчи ОАВ вакиллари Ирода Расулова фаолиятидан қониқмаётганини билдирганди. Мазкур эътирозга фикр билдирган Пўлат Бобожонов эса бу масалага эътибор қаратишини ва тез орада хулоса қилинишини айтганди. Бироз ўтиб эса Пўлат Бобожоновнинг матбуот котиби Шоҳрух Ғиёсов Ирода Расуловага танбеҳ берилганини, ишда қолиш-қолмаслик масаласи ҳам сўроқ остида турганини маълум қилганди.
Изоҳ (0)