Интернетда яна номаълум пахмоқ ҳайвоннинг сурати кенг муҳокамаларга сабаб бўлди, деб ёзади Meduza.
Таъкидланишича, суратда пахмоқ ит тасвирланган. Унинг сурати Reddit тармоғида 2021 йилнинг февралида эълон қилинган (аммо Twitter фойдаланувчилари орасида у ҳозирга келиб машҳурликка эришди).
Суратдаги итнинг чап панжаларига яхшилаб эътибор берилса, аслида бу орқа панжалар, ўнг томондагиси эса табиийки, олд панжалар эканини кўриш мумкин.
«Ит шунчаки сакраган вақтида бошини буришга уринган, унинг қалин жунлари эса оптик иллюзия бўлмаса-да, аниқ чалкашликни юзага келтирган», — дейилади хабарда.
Аввалроқ ижтимоий тармоқларда «бутилка» чўқиштириб турган эркаклар тасвирланган яна бир оптик иллюзияли сурат кенг муҳокамаларга сабаб бўлгани тўғрисида хабар берилганди.
Изоҳ (0)