Япониялик 107 ёш-у 300 кунлик опа-сингиллар Умено Сумияма ва Куме Кодаманинг исми Гиннеснинг рекордлар китобига дунёдаги энг кекса эгизаклари сифатида киритилди. Бу ҳақда Esquire хабар беради.
Маълум бўлишича, эгизаклар 1913 йил 5 ноябрда Япониянинг Седо, 13 кишилик оилада дунёга келган. Уменонинг 4, Куменинг эса 3 нафар фарзанди бор. Яқинларининг айтишича, уларнинг орасида Кума иродалироқ, Умено эса мулойимроқ бўлган. Ёшлигида бир-биридан узоқда яшаган опа-сингиллар 70 йил ўтиб биргаликда муқаддас жойларни зиёрат қилган. Айни вақтда улар Япониянинг турли бурчакларидаги қариялар уйларида истиқомат қилади.
Коронавирус билан боғлиқ вазият сабаб Гиннеснинг рекордлар вакиллари Японияга бора олмаган, аммо аёлларга сертификат почта орқали етказилган. Қариялар уйида фаолият юритадиган ходимнинг таъкидлашича, рекордга киритилгани тасдиғини қўлга киритгандан кейин Умено кўз ёшларини тия олмаган. Хотираси билан боғлиқ муаммо жадаллашган Куме эса сертификатнинг аҳамиятини тўлиқ англай олмаган. Умено ва Куме, 2000 йилда сертификатни қабул қилган вақти 107 ёш-у 175 кунлик бўлган опа-сингиллар Кин Нарита ҳамда Гин Каниэнинг рекордини янгилаган. Кин 2000 йил январда, Гин эса бир йил ўтиб 108 ёшида вафот этган.
Мавзуга доир:
- Сайёранинг энг кекса аёли узоқ умр кўриш бўйича рекорд ўрнатди
- Эквадорлик эр-хотин дунёдаги энг кекса жуфтлик сифатида Гиннеснинг рекордлар китобига киритилди
- 111 ёшли руминиялик дунёнинг энг кекса эркагига айланди
- 88 ёшли британиялик аёл қувноқ рақслари билан TikTok юлдузига айланди (видео)
- Украинада 90 ёшли аёл самолёт бошқарди (видео)
Изоҳ (0)