Футбол бўйича Ўзбекистон чемпионатининг 20-туридан ўрин олган сўнгги икки ўйин 27 сентябрь, душанба куни бўлиб ўтди.
«Насаф» Қаршида «Бунёдкор»ни қабул қилди ва рақибига ҳеч қандай имконият қолдирмади. Мезбонлар сафида Ҳусайн Норчаев дубль қайд этган бўлса, қолган голларга Баҳром Абдураҳимов, Ойбек Бозоров ва Суҳроб Нуриллоев муаллифлик қилди.
Ғалабадан сўнг «Насаф» очколарини 33 тага етказди ва 4-ўринга кўтарилиб олди. «Бунёдкор» 32 очко билан 5-ўринга тушиб кетди.
«Локомотив» ўзида «Машъал» билан ўзаро баҳс олиб борди. Драматик руҳда кечган ўйинда 34-дақиқада Годвин Чика Оквара меҳмонларни ҳисобда олдинга олиб чиқди. 51-дақиқада Жасур Жалолиддинов чиройли гол билан ҳисобни тенглаштирди. Ҳакам томонидан қўшиб берилган вақтда Темурхўжа Абдухолиқов пенальтидан гол уриб, «Локомотив»га ғалаба келтирди.
Ушбу ғалабадан кейин «Локомотив» 29 очко билан 7-ўринга чиққан бўлса, «Машъал» 18 очко билан 11-ўринни банд этиб турибди.
20-турдан сўнг мусобақа жадвали:
Суперлига
20-тур баҳслари
27 сентябрь, душанба
«Насаф» — «Бунёдкор» 5:0
Голлар: 1:0 — 9 Абдураҳимов, 2:0 — 18 Норчаев, 3:0 — 81 Норчаев, 4:0 — 87 Бозоров, 5:0 — 90 Нуруллоев«Насаф»: 1. Умиджон Эргашев, 4. Ҳусниддин Алиқулов, 7. Дониёржон Нарзуллаев (20. Суҳроб Нуриллоев, 82), 8. Дилшод Саитов, 18. Баҳром Абдураҳимов (50. Шоҳмалик Комилов, 82), 19. Ҳусайн Норчаев (99. Андрей Калудерович, 86), 22. Акмал Мозговой, 34. Шерзод Насруллаэв, 77. Ойбек Бозоров, 88. Марко Станоевич (70. Абу Бакр Ризо Турдиалиев, 86), 92. Умарбек Эшмуродов.
«Бунёдкор»: 71. Сарвар Каримов, 4. Давронжон Эргашев, 6. Авазбек Ўлмасалиев ( 37. Муҳаммадодил Қаҳрамонов, 76), 10. Хуршид Ғиёсов (7. Фарҳод Мираҳматов, 76), 13. Лутфулла Тўраев (8. Санжар Рашидов, 82), 14. Миржаҳон Мираҳмадов (22. Шаҳбоз Эркинов,34), 17. Одилжон Абдураҳмонов, 19. Нурилло Тўхтасинов, 26. Улуғбек Абдуллаев (34. Суҳроб Иззатов,76), 30. Абдулла Абдуллаэв, 49. Иброҳим Томива.
Огоҳлантириш: Абдураҳмонов (36), Станоевич (38), Тўраев (41).
«Локомотив» — «Машъал» 2:1
Голлар: 0:1 — 34 Чика Оквара, 1:1 — 51 Жалолиддинов, 2:1 — 90+8 Абдухолиқов (пенальти).«Локомотив»: 35. Жавоҳир Илёсов, 37. Шерзод Файзиев, 3. Ислом Қобилов, 20. Жалолиддин Жумабоев (27. Ислом Рашидхонов, 46), 28. Шуҳрат Муҳаммадиев (22. Самюэль Опе, 80), 5. Кахи Махарадзе, 19. Жасур Жалолиддинов, 21. Ғулом Ҳайдар Ғуломов, 77. Диёр Туропов, 14. Азиз Амонов (54. Игорь Чикризов, 72), 11. Темурхўжа Абдухолиқов
«Машал»: 35. Достонбек Тўхтабоев, 2. Зафарбек Акрамов (18. Аббос Шодмонов, 74), 5. Нажмиддин Нормуродов, 9. Ойбек Нурматов (99. Жаҳонгирбек Абдусаломов, 77), 10. Годвин Чика Оквара, 11. Самюэль Чигози (19. Қаҳрамон Баҳодиров, 88), 13. Шаҳзод Шайманов (15. Муҳаммад Алиқулов, 77), 17. Жамолиддин Убайдуллаев, 22. Сирожиддин Қўзиев, 23. Самандар Шукуриллаев, 27. Муҳаммад Йўлдашев (33. Сирожиддин Аллаев, 88).
Огоҳлантиришлар: Оквара (63), Жалолиддинов (64), Убайдуллаев (90+10), Аллаев (90+10).
Изоҳ (0)