Австралияда дронга ҳужум қилган зағизғон уни уриб ерга туширди (видео)

Австралияда зағизғон эгаси Сидней соҳилидан туриб суратга олаётган учувчисиз учиш аппаратига ҳужум қилди. Бу ҳақда «Korrespondent.net» хабар берди.

Воқеа акс этган видеони блогер @fabreezy_ Instagram саҳифасида эълон қилган. Эркак FPV дронини бошқараётган бўлган. Бирданига парвоз қилаётган қуш унга ҳужум қила бошлаган. Зағизғон кўзига кўринган аппаратни ерга уриб туширмагунича тинчимаган.

https://www.instagram.com/p/CTeiJBBHdqt/

«Австралияда ҳамма, ҳатто қушлар ҳам сени ўлдиришни истайди», — деб ёзиб қолдирган муаллиф. Видео бир неча кун ичида 4 мингдан ортиқ лайк тўплаган, дейилади хабарда. Аввалроқ дрон биринчи бор мустақил равишда инсонга ҳужум қилгани ҳақида хабар берилганди.