«Auto.ru» сайтида 34 йил давомида 754 километр йўл босган идеал ҳолатдаги «Жигули» сотувга қўйилгани тўғрисида эълон пайдо бўлди. «ВАЗ-2106»нинг олмаоталик эгаси сарғич седан учун 3,8 миллион рубль (52 минг доллар) сўрамоқда. Бу каби юқори нарх машинанинг ажойиб ҳолатдалиги ва заводдаги пломбалари сақланиб қолгани билан изоҳланмоқда. Таққослаш учун бу пулга Россияда 150 от кучига эга Progressive жамланмасидаги янги Mercedes-Benz GLA 200 4Matic’ни харид қилиш мумкин, деб хабар беради Motor.

Фото: «Auto.ru»

«Жигули»нинг яхши ҳолатда эканини эълон қилинган суратлар тасдиқлайди — афтидан, СССР даврида седан ҳатто сотувдан олдинги тайёргарлик жараёнларидан ҳам ўтмаган. Олд ўриндиқларида полиэтилен қопламалар сақланиб қолган, захира қисмлари эса совет газеталарига ўралган. Кузов ва салоннинг ҳолати машина қуруқ гажарда сақланганидан далолат беради.

Фото: «Auto.ru»

1987 йилдан буён «ВАЗ-2106»га бир киши эгалик қилиб келган ва у қандайдир сабабларга кўра, машинадан фойдаланмаган. Орқали кўришга мўлжалланган ойналарнинг йўқлиги, шунингдек, юкхона тепасидаги пломбанинг мавжудлиги машина жуда кам масофа босганини тасдиқлайди.

Фото: «Auto.ru»

«ВАЗ-2106» капоти остидан 1,5 литрли бензин карбютаёрлари двигатель ўрин олган бўлиб, у 4 поғонали механик узатмалар қутиси ёрдамида бошқарилади. 1980 йилларнинг иккинчи ярмида ҳам «ВАЗ-2106» етарли даражада қиммат бўлган — 1986 йилда моделнинг тавсиявий нархи 9100 совет рублини ташкил этган.

Фото: «Auto.ru»

Фото: «Auto.ru»

Фото: «Auto.ru»

Фото: «Auto.ru»

Фото: «Auto.ru»

Фото: «Auto.ru»

Аввалроқ Россияда 37 йиллик «Жигули» иккита янги Mercedes-Benz E-класс нархида сотувга қўйилгани, Петербургда 22 йил гаражда сақланган янги «ВАЗ-2104» топилгани, Россияда завод пломбалари олинмаган 26 йиллик «Жигули» янги BMW Х3 нархида сотувга қўйилгани тўғрисида хабар берилганди.