Uzbekistan Airways орадан 6 йил ўтиб, Тошкент ва Киев ўртасида авиақатновларни тикламоқда

Uzbekistan Airways 26 сентябрдан бошлаб Тошкент—Киев—Тошкент йўналиши бўйича авиақатновларни тиклайди.

Компания матбуот хизматининг хабар беришича, режага мувофиқ қатнов ҳафтада бир марта —  якшанба кунлари амалга оширилади.

Чипталар нархи Тошкент—Киев йўналишида 2 234 655 сўмдан (багажсиз) ва 2 575 535 сўмдан (багажни ҳисобга олган ҳолда), Тошкент—Киев—Тошкент йўналишида эса 4 205 223 сўмдан (багажсиз) ва 4 836 482 сўмдан (багажни ҳисобга олган ҳолда) бошланади.

Ушбу нархлар 16 сентябрь ҳолатига кўра кўрсатилган.

Эслатиб ўтамиз, Uzbekistan Airways Тошкент—Киев—Тошкент йўналишида парвозларни амалга оширишни 2015 йилнинг май ойида тўхтатганди.

Аввалроқ Украинанинг Bees Airline лоукостери Киевдан Самарқандга қатнай бошлагани ҳақида хабар берилган эди.