Тошкент вилоятининг Бўстонлиқ тумани ҳудудидан ўтган автомобиль йўлида 18—19 сентябрь кунлари Sky Camp марафони ўтказилиши муносабати билан Чорвоққа олиб борувчи йўлнинг бир қисми транспорт ҳаракати учун вақтинча ёпилади.
ЙҲХББ хабарига кўра, шу кунларда соат 07:00 дан 11:00 га қадар туман ҳудудидан ўтган 4Р10 Чорвоқ сув омбори ҳалқа автомобиль йўлининг 0-километридан 13-километригача бўлган масофада ҳаракатланиш чекланади.
Мазкур вақтда ҳайдовчиларга 4Р6 Тошкент—Чирчиқ—Чимён автомобиль йўлининг 54-километридан 96-километригача бўлган йўл орқали, яъни Чимён қишлоғи орқали айланиб ўтиш тавсия этилган.
Эслатиб ўтамиз, велоспорт-шоссе бўйича ўтказиладиган Федерация кубоги мусобақаси муносабати билан Чимён ҳамда Чорвоққа олиб борувчи айрим йўллар 23, 24 ва 25 июнь кунлари вақтинча ёпилганди.
Изоҳ (0)