Шанхай ҳамкорлик ташкилотининг 17 сентябрь куни Душанбедаги саммитида ушбу нуфузли ташкилотга 2021—2022 йилларда раислик қилиш Ўзбекистонга ўтиши тўғрисида қарор қабул қилинди. Бу ҳақда Президент матбуот котиби Шерзод Асадов маълум қилди.
- ШҲТнинг нуфузи ва салоҳиятини янада ошириш;
- ички минтақавий савдони ривожлантириш дастурини ишлаб чиқиш;
- саноат кооперацияси дастурини қабул қилиш ва бу борада ҳамкорликни назарда тутувчи марказларни тузиш;
- ШҲТнинг Транспорт боғлиқлиги стратегиясини қабул қилиш;
- ШҲТ маконида инфратузилмани ривожлантириш дастурини ишлаб чиқиш;
- камбағалликни камайтириш ва озиқ-овқат хавфсизлиги соҳаларидаги ҳамкорликни кучайтириш;
- ШҲТнинг халқаро ахборот хавфсизлиги бўйича экспертлар форумини таъсис қилиш;
- ШҲТнинг Эзгу ният элчиси институтини жорий қилиш;
- туризм соҳасида ҳукуматлараро битимни ишлаб чиқиш;
- юқумли касалликларга қарши курашишни назарда тутувчи «йўл харитаси»ни қабул қилиш.
«Ўзбекистон раислиги даврида давлатимиз раҳбари томонидан белгилаб берилган устувор вазифаларни амалга ошириш мақсадида ҳамкорларимиз билан биргаликда 80 дан ортиқ тадбир ўтказиш режалаштирилган», — дейилади Президент матбуот котиби хабарида.
Эслатиб ўтамиз, Шавкат Мирзиёев Шанхай ҳамкорлик ташкилоти Давлат раҳбарлари кенгашининг мажлисида иштирок этиш учун 16 сентябрь куни Тожикистон пойтахти Душанбега келди. Шу куни давлат раҳбари Тожикистон президенти Эмомали Раҳмон, Эрон президенти Иброҳим Раисий билан учрашув ўтказди. Шунингдек, Покистон бош вазири Имрон Хон билан музокара ўтказди.
Изоҳ (0)