Ўзбекистон Қирғизистондаги Ўш мусиқали академик драма театрини реконструкция қилишга 5 миллион доллар ажратади. Бу ҳақда Ўш ҳокимлиги матбуот хизмати хабар берди.
Қайд этилишича, 13 сентябрь куни ушбу театрни тўлиқ реконструкция қилиш ишлари бошланди. Шаҳар ҳокими ўринбосари Жасур Азимов бошчилигидаги давлат органлари ходимлари ва тегишли мутасаддилардан иборат комиссия иш бошланиши жараёни билан танишди.
Театр реконструкцияси икки томонлама ижтимоий-маданий алоқаларни мустаҳкамлаш бўйича Ўзбекистон ва Қирғизистон ҳукуматлари эришган келишув асосида бошланган.
Реконструкция ишларини 2022 йилнинг бошига якунлаш режалаштирилган. Тақдим қилинган лойиҳага кўра, театр биноси тўлиқ янгиланади.
Изоҳ (0)